|| 中上環 ||  週末拍拍拖 ● NIGHT MARKET PMQ | 麵鮮醬油房 周月

4 MAY, 2014

現在寫已經係上個月既週末喇 ! 時間真係日日都覺得快, 人生有什麼快樂事要記 ! 實在太多 ! 要多多努力記低先得 ! :) 

香港人多, 遊客多呀 ! 有時真係想搵個地方去下, 又怕多人, 我係有D怕人多恐懼症, 最變態係過海, 我一定要4點前去坐地鐵過海返九龍, 好驚放工時間迫到企到直一直, 我認係有D變態~ 哈哈哈 ! 都係盡量避啦 ! 

但平日最多人既商業區, 今日又變得清靜好多~ 真舒服 ! 今日我地就去左由「前荷李活道已婚警察宿舍」變身成為設計創意新地標既 PMQ  , 我真係誤打誤撞去下 ! 反正我知附近好多餐廳順便去食LUNCH~ 我地就係上環地鐵站行上去既~ 全能Google map幫到我~ 哈哈哈 ! 

個日早上12點開, 我地真係12點左右去到, 因為我驚夜少少又多人, 哈哈 ! 不過可以未正式開業, 好多店都準備中, 不過確實幾有特色 ! 係中上環區更加係中西文化交匯既地方~ 成個感覺好特別 ! 雖然唔係好大, 亦唔係去其他國家既夜市咁豐富 ! 呢度主要應該係俾有創意既人有個創業機會 ! 

我太早到喇 ! 人流不多~ 

bread n butter 呢間既衫好靚, 價錢就$4xx以上啦 ! 我就無幫襯喇~ 因為呢排經常上網買衫, 有好多好推介既網站 ! 等d衫到手再遲下介紹~ 

地下呢層會有D甜品小蛋糕, 小食賣既~ 都幾特別 !

一早有酒飲~ 晚上氣氛應該更好 !

椰子水, 幾清新 ! 九龍城有間專賣椰子產品, 我經常去幫襯, 味道跟這支差不多~ 

小CUPCAKE~ 好似我婚禮個D款呀 ! 一口一啖~

有大粒小小既~ 價錢張相有喇 ! 哈哈哈~

好多好特別既首飾~

仲有鞋賣~ 好岩年輕人行~ 下次我會再去行下既~ 哈哈哈 !

Night Market in PMQ Central || 元創方中環夜市 ||

http://www.pmq.org.hk/event/night-market-in-pmq-central/

行左轉無收鑊~ 去醫肚先~

行左落去歌賦街, 係以前牛記個位開左間叫周月既拉麵店, 開左好耐架喇~ 係我好耐無黎呢邊咋 ! 

睇圖覺得好好味咁~

如果係沾麵, 就跟呢張圖黎食啦~

位置唔算好多, 都幾特別 !

我既周月拉麵到 ! 真係好濃香既魚香湯底~ 我要淡湯底 (已經好夠味~ 濃味真係好咸) 拉麵好彈牙, 我唔知咩叫好好食既拉麵, 不過我覺得呢碗都唔錯既 ! 

溫生既沾麵, 有分100-300克, 不過價錢一樣 ! 溫生要左300克, 濃湯底, 真係堅濃得濟 ! 哈哈~ 

我愛拉麵~ 好好味~

叉燒係腩肉片, 味道不錯 !

|| 麵鮮醬油房 周月 ||

地址: 中環歌賦街5號地下