預祝●母親節●食自助餐《Cafe Hyatt》
5 MAY, 2014
雖然母親節過左, 不過都要寫下~ 我同妹妹每年都會預早少少帶黃爸媽去食餐好, 好多時我地都會揀午餐, 抵食又好味 ! 哈哈~ 今次我地就揀左係尖沙咀凱悅酒店既咖啡廳, 暫時係我會encore既Buffet之一 ! 隨左無生蠔、長腳蟹, 大部份食物都好好食 ! 天婦羅做得非常出色, 剌身細件岩口型, 壽司完全食到手握既感覺, Pama Ham配厚肉多汁蜜瓜簡直一流 , 仲有超多款但每件細小既甜品好岩我呀 ! 真係可以試多d, 唔會浪費~ 我覺得除左好食之外, 仲好細心~ 連橙既E都搣埋~ 好岩我呢D懶人~ 哈哈哈 !
地方夠大, 好好坐, 傾計一流~
食物總類都算多~ 有大大隻蟹(KUM) 奶奶大讚好味 !
我最愛冷盤區, 我行左幾轉, 都係食冷盤, 沙律係我最愛呀 ! 有無見到右上角就係Pama Ham配厚肉多汁蜜瓜, 真係好好味呀 !
呢加開始可以食返少少海鮮喇~ 都係只敢食蝦~~ 凍蝦非常爽甜, 好新鮮呀 !
甜品小杯小份, 好岩我鍾意食又食唔多, 仲有專人幫你拎, 真係太好 ! 仲有好多抹茶甜品呀 ! 見到又好想去食喇~~~ 所以話卜要快出, 唔係又忍返自己轉頭~ 哈哈![]()
壽司件件都好實, 飯好(煙UN) 真係好好味 ! 凍蝦已經大讚過~ 必吃 !
黎食BUFFET我最重要係冷盤, 我食冷盤夠架喇 ! 主菜我唔食架~ 哈哈哈 ! 聽黃爸爸講熱葷都唔錯 ! 燒味幾出色~ 哈哈 !
天婦羅又係正 ! 炸得岩岩好, 少炸粉~ 讚 !
最愛甜品既我都只係食到咁多~ 哈哈 ! 已經好飽~ 抹茶甜品大愛又唔太甜~ 非常好 !
飯後果, 非常多汁又夠甜~
最後我點左earl grey作結~ 好滿足呀 ! 黃媽媽同奶奶實好鍾意姐, 佢地都好鍾意食BUFFET, 咩都有齊, 鍾意食咩就拎咩~ 一次過滿足大家~
兩姐妹又出動~ 開心開心~
奶奶大人~~
親愛的黃媽媽~
今餐食得好開心~ 帶到佢地食好野我都好開心~ 最緊要開心~ 母親節快樂 !
感謝 仙蒂小溫太 提供以上資料
個人日誌: http://cindylittlemrswan.blogspot.hk/
| 
