[大角咀] 老公慶生夜《Berliner German Bar and Restaurant》

4 MARCH, 2014

親愛的老公大人生日喇！因為生日同結婚週年只差一星期，溫生表示唔使同佢慶祝生日喇！下星期一次過慶祝啦！ 我為表要重視返佢生日呢個大日子，我就話簡簡單單慶祝下啦～佢先制咋！哈哈！佢真係對自己既事無咩所謂，又無要求，哈哈！佢真係喜歡低調過生日，我又事前話我屋企人唔同佢慶祝喇！廢時食咁多餐，佢又無所謂～ 哈哈！

我細佬佢地又係咁叫我約一晚食飯，最後簡單D就正日一齊慶祝啦！不過事前老公唔知架！我係帶佢去到餐廳佢先見到佢地！哈哈！好開心咧～因為我知道我地一家人為佢慶祝佢內心一定好開心既～哈哈！ 

人多最好係可以試多D～《Sausage Platter》﹣好多款HAM，幾好食！

其實除左《德國豬手》好失望之外，其他都唔錯！豬手皮係硬膠做既感覺！最喜歡《麵包籃》熱辣辣既麵包，沾上麵包醬，好好吃！

《德國腸拼盤》

叫到一檯都係！哈哈！大家都忘我地吃～

呢杯好好飲，不過唔記得個名，好似有荔枝同草莓，酸甜開胃！

環境好岩一班朋友一齊慶祝～ 氣氛都幾好！

叫左三款甜品，係《Berliner Tete a Tete》Mövenpick  ice cream 

法式西多配莓醬

《Apple strudel》好好味喔～哈哈！老公大人生日快樂～

餐廳貼心地幫忙寫上Happy Birthday

生日快樂，老公～

齊人影張大合照先～

唔知你許咩願！都祝你願望成真呀！ 

我地咁俾面一齊慶祝～老公今晚一定好開心喇！哈哈！

今年諗左好耐送咩好～上年佢見我買左對MBT涼鞋，佢好似好鐘意～今年去GIGA SPORT買已經無得買喇！要去專門店買～ 仲要貴左！最衰都係自己！拖到正日先去買～哈哈！趕到我呢～ 等老公放工收到份禮物！哈哈！開心屎佢～ 我地有對情侶鞋LU～ 哈哈！