去到紅磡一時之間都唔知食乜好，又試吓這間的下午茶餐。(做乜有個垃圾筒放正門口咁大整蠱)。  

先來一個甜品拼盤，放得都算精美，入面的香蕉班戟做得唔錯。比較奇怪三款甜品入面有兩款燉蛋，法式燉蛋芝士餅唔係好覺蛋入面有芝士味，唔知係咪只是餅底有，不過又唔係好覺。綠茶焦糖燉蛋都幾好味，綠茶唔算好濃蛋亦幾滑，只是略嫌焦糖太薄，另外估唔到咁大碗。  

吉列龍脷柳伴粟米忌廉蛋包飯比較行貨，龍脷柳正常的，不過個汁無乜粟米無乜味而且太杰，蛋由於要包著飯所以好熟，其實好像日式包飯那樣做滑蛋皮蓋著飯面便算肯定更好。  

最後的那個好像是台式素扎肉麵，看樣子不是太好，由於自己無食過所以沒東西可以再講。餐茶就很行貨唔算做得好的那類。

感謝 All About Foods 提供以上資料

個人日誌: http://hkgfoods.blogspot.hk/