一向都自稱自己的燒鵝好味的陳記，在香港都有幾間分店，這次去荃灣店試試。  

睇吓餐牌，下午茶價錢同區都唔算平，一踠鵝瀨加杯熱茶都要40蚊。奶茶是標準茶餐廳出品，不過茶味唔夠濃同唔多熱，除此之外其實算幾好飲。  

主角燒鵝瀨出場，沒想像中好樣，鵝肉幾乾同硬，味道只比一般燒臘店好一點點，講真個句唔講以為食緊鴨肉，瀨粉幾爛唔彈牙，而且唔知點解剪到"碎濕濕"，用筷子跟本夾唔起要用匙，感覺及食味幾似銀針粉唔多良好，成碗粉整體其實唔算好食，最多算緊緊合格。  

另一碗燒肉瀨更不似樣，皮不但唔脆，燒肉又乾又硬，直程同街市十幾蚊碟的燒肉沒分別，相當失望。

感謝 All About Foods 提供以上資料

個人日誌: http://hkgfoods.blogspot.hk/