|
歷史博物館
|
|
豁出去漫遊
2008-06-15
591
0
|
分享
收藏
| 日期：08年5月18日 地點：香港歷史博物館 很久沒逛過歷史博物館，那天無所事事，又見到有個新展覽，便前往逛逛。展覽名為「從錢莊到現代銀行－－滬港銀行業發展」，個名鬼咁長，其實就是香港上海的銀行史，不過場內不准拍照（奇怪？唔通驚我影咗啲鈔票然後整假銀紙咩，多鬼餘！），展出的有當年的鈔票、支票、相片等等，資料都幾詳盡，不過啲展品都幾相似，不斷都係錢錢錢，雖然我貪錢，齋睇就有啲悶，好彩後段播出昔日既銀行廣告（包恒括恒生銀行經典既「少莫少於水滴……」廣告，我到而家仲唱得出，又有梁醒波扮財神、鄭少秋扮楚留香去按提款機既廣告），仲有以前既錢箱，反而勾起我童年既回憶。 唔畀影咪唔影囉，影張海報畀大睇吓算。 這幅是1932年嘉華銀行的月份版畫，這類月曆以前每家都會掛上一幅。 1926年廣生銀行股票。 大堂則有「從年畫到宣傳畫－－中國版本圖書館宣傳畫精品選展」，都幾得意，仲唔使入場費添！ 呢張唔使講，就係經典既雙妹嘜（1931年）。 解放後既大陸廣告，嗰種樣版Feel，而家睇返好過癮（1978年）。 嘩！昂首挺胸既姿勢，使唔使咁英呀？（1965年）。 連毛澤東都靚你咗兼瘦削咗，勁過而家電腦執相（1968年）。 「中國人民站起來……」（1963年）。 由於銀行業展覽的門票包埋睇「香港故事」，於是順便又再參觀呢個展覽，呢個展覽已有N年歷史，唔使我點講，總之就係將香港由形成到而家既故事，逐一呈現大家眼前，其實幾有心機，其中又以後面嗰Part最好睇，因為可以睇返我細個時候香港既生活吖嘛。 昔日傳統婚禮既模型，令我想起周潤發主演既《幻海奇情》，個新娘擰轉面，竟然…… 昔日客家人的室內擺設，好有親切感。 昔日既戲台，我細個都去睇過架（雖然好唔鍾意）。 舊式米舖，而家香港邊度仲搵得到？ 展覽仲擺咗部電車喺度。 以前既嘥置區，講真我未住過。 經典既七層大廈，相信係唔少香港人既集體回憶。 舊式辦館，我最鍾意嚟買汽水同雪糕。 以前髮型屋可以睇公仔書，我都有睇，不過唔係呢類，主要係《老夫子》、《龍虎門》之類。 紅A書包，三十歲以上既，邊個冇用過？ 以前班房既書枱，枱面可以打開，我細個好鍾意喺枱面畫公仔。 以前既天台學校，我梗係冇讀過啦！
感謝 豁出去漫遊 提供以上資料 豁出去漫遊的網誌: http://lamlam0930.blogspot.hk/
|
~END~
| 商店 | 香港歷史博物館 |