|
超掋食又有驚喜的Dinner Buffet@尖沙咀Park Cafe
|
|
余媽媽手記
2014-07-21
1039
1
|
分享
收藏
為食余媽媽之前揾到間超掋食嘅buffet,
好想同大家分享一下。
呢間Park
Cafe位於尖沙咀百樂酒店4/F，
價錢無敵之餘食物又靠得住! 性價比夠晒高!
余媽媽一家係上月同今月都先後光顧過，
食物質素穩定，服務ok。
其實之前都十五十六，唔知試唔試好，
因為見open rice有負評，當然亦有讚好的。
最後決定一試無妨，又唔係貴! 點知真係有驚喜！！！
首先講下六月份嗰次...
當月主係和牛鵝肝海鮮自助晚餐，
但亦有受歡迎的刺生、壽司和生蠔等海鮮供應。
余媽媽覺得呢度嘅冷盤比較出色!
三文魚很新鮮，冇咩雪味~
壽司味道和款式則較普通，d飯較易散開~
生蠔超棒，SIZE唔算細，新鮮美味爽口，
食多幾隻都得。余媽媽都食左半打以上呢!
余小b無得食唯有自得其樂囉!
亦有即烤生蠔，啱晒喜歡蒜味的我!
凍蝦、翡翠螺、長腳蟹都幾鮮甜，
余媽媽唔係佢地嘅粉絲，所以都係試少少算喇!
當然，高貴食材會係余媽媽的主打啦!
主角之一嘅和牛是余媽媽大愛!
好香滑多汁，不過好快俾人掃晒，
余媽媽只食得一片，有點兒可惜啊!
而這件鵝肝多士就煎得剛好，多士很脆，
夾埋鵝肝十齊食就冇咁膩，而且供應源源不絕!
另外，熱食都有很多選擇啊!
當然，沙律吧、中西湯、麪包和飲品呢d standard
食物一定唔少得啦!
到八點左右，
當大家食到悶悶地而個肚已經飽飽地的時候，
驚喜黎喇，就是由一位大厨即席大顯身手喇!
佢為大家炮製火焰芒果雪糕蛋糕，OMG!!!
睇黎我地個肚又唔得閒喇!
新鮮製成的火焰芒果雪糕蛋糕，
有芒果味且不會太甜，食落冷熱交集，感覺好正!
其實食細細件已經足夠，
太大件反而真係會膩!
還有即焗的榴槤蛋撻 ，
真係有榴槤香味，撻身好趣，
食落都幾特別。
呢款椰汁燉燕窩就好似普通左少，
都係水多，而味道唔太突出。
甜品都幾多款式，真係花多眼亂，
可惜個肚已經裝唔落咁多。
有小朋友至愛的朱古力噴泉～
連雪花冰都有得食~
亦有ＰＡＮＣＡＫＥ可以即叫即整 ^0^
再歎番杯香濃的咖啡，一絕！！！
最後再食埋Dreyer's雪糕，
就係一個圓滿的句號喇!
*********************************************************
食過番尋味!
早幾日我地又再番兜呢間嘅buffet。
七月至九月做緊「蟹」逅生蠔海鮮自助餐，
所以無左和牛同鵝肝，
取而代之係有多款蠔和蟹的菜菜色供應。
不過余媽媽對於蟹的興趣度其實只是一般而已
(大閘蟹除外，今次當然未有啦!)
有點可惜係今次唔見有美味嘅烤蠔供應!
於是余媽媽就轉戰其他蠔嘅菜色。
呢款廣島蠔（上圖左一）個汁同質感都唔錯!
還有後面比較的式嘅炸蠔，
呢個不太特別，一試而已!
最推介係燒雞亦同羊鞍，
雖然味道略重，但兩者肉質香滑~
就連余小b都望到流埋口水。。。
今次余小b都係有得睇無得食，
我地咁對佢係咪好殘忍呀? 哈哈～
至於六月份供應開嘅刺生、壽司、長腳蟹、生蠔等都繼續出現! 但今次長腳蟹就有點兒失色，
因為冇咩鮮味!
甜品都轉了款式～
斑蘭梳乎厘，口感不錯，斑蘭味很重~
還有北海道牛奶布丁，
牛奶味很香濃幼滑，再來多杯都食得落！
呢個牛油萍果金批都很香脆可口！
而大厨表演即製火焰雪糕蛋糕都依然有得睇，
今次係芝麻草莓味!
(又有得試另一種口道，正!)
最後，食埋Dreyer's新口味嘅雪糕就好滿足喇!
首推綠色盒的開心果味啊!
大家如果諗住今個月去食，
記得係open rice下載呢張75折coupon呀!
平日一至四自助晚餐成人每位折左(已包加一)
只係三百廿幾蚊,掋!
地址: 尖沙咀漆咸道南61-65號香港百樂酒店4樓
感謝 余媽媽手記 提供以上資料 余媽媽手記的網誌: http://qsmartland.blogspot.hk/
|
~END~
| 商店 | Park cafe (百樂酒店) |