|
母校的彩繪蛋卷班 : 何東中學分校
|
|
May姨blog
2014-04-28
1336
0
|
分享
收藏
舊年玩過B Duck彩繪蛋卷，因為當時冇經驗，唔知道唔可以描到D線條太細緻，所以焗完出黎，起咗張底紙就冇晒D圖案咁滯。 咁啱我既母校又有個瑞士卷班，咁又去玩返次，希望成功啦。 
今回興趣班設在分校家政室，我畢業許多年後才建成，所以從來未踏足此地。
我傻下傻下，上咗去實驗室果層，後尾聽到樓下好似好多動靜，先再落去睇睇，終於都到咗啦。 
 導師已經開始為大家準備用來繪圖的粉漿。 
因為要加顏色，所以採用蛋白打麵糊。 
每人配給三隻蛋去製作自己的成品。 
仲記唔記得我果篇來自猩猩的你?今次我用返佢黎做圖案。今次醒啦，一於以厚厚的麵糊框邊。 
填上黃色做身體 
再畫蛇添足，多加腳印及香蕉。 
180度的火力焗一分鐘，可惜沒有在限時內取出，不幸地焗了超過三分鐘，造成不可挽救的結果。 
麵糊已全熟 
再加底糊，調溫150度再焗，圖案最終不能融合。 
雖然注定失敗，總要盡最後努力脫身。 
本來黃色的身體，已變成淺啡，即是已焗過火，蛋卷本身亦龜裂，腳板及香蕉壯烈犧牲，尤幸猩猩的身體尚能保存，只是無面目示人，大家只可加點想像力。我用士多啤梨粒及忌廉卷起來。 
事後，我才想起，其實都有補救辦法，用牙籤輕輕點上兩隻眼睛，就會好得多了。 
讓大家看看其他同學的作品吧: 
這一位是最成功的 
全部圖案皆順利離紙 
來張大合照 
十多條蛋卷，陣容鼎盛 
之後，大家到學校附近的紀律部隊俱樂部飲茶，順道多認識各位師姐、師妹。 
分手後，先回公司，把蛋卷放入雪櫃，留待各位義勇軍幫我吃掉失敗之作。再多留一會清理公務，星期一返去就會輕鬆D。 晚上，再返回銅鑼灣的警官俱樂部用餐。 
據聞這建築物快要拆卸 
今次可能是我最後一次到訪 
是日的素宴做得相當好，少油、少鹽，用上各種新鮮食材，避免各種加工素食，更為健康。 
大家都喝鮮橙汁，我獨愛拔蘭地(淡普洱)，路途遙遠，還是熱茶最穩妥。 
因為同檯有些是不熟悉的人，所以不便拍照，只影低自己的一碗素翅。一點油光也沒有，棒! 
我住得遠，早上七點半出門口，晚上十一點幾先返到屋企，呢個週末都咪話唔忙碌! P.S. 感激各位幫手鯁一件卷蛋既佳麗, 原本我都唔敢俾大家食架啦, 果然係眾志成城, 好快就同我解決咗.
感謝 May姨Blog 提供以上資料 May姨Blog的網誌: http://maylibibi.blogspot.hk/
|
~END~
| 商店 | (已結業)警官餐廳 |