Bibi未食過正式既鐵板燒，見有團購二人餐咯，就趁佢Sem-break，一齊去食下。

先黎一個沙律



跟住係魚生 : 魷魚、鱲魚、三文魚，我都未影相，已經俾人食咗兩件啦.



一人一杯特飲，我要咗青檸梳打，Bibi要咗酸乳酪梳打。飲咗D先記得影添。



我地仲食緊前菜果陣，個鐵板師父已經係度處理緊大蝦啦。

想欣賞師父既功架，可以睇呢度:


https://www.facebook.com/home.php#!/photo.php?v=10151266568103681¬if_t=like

咁啱有另一pair人同時食，所以師父一整就雙份。四隻蝦頭係度慢慢煎緊，而四隻活生生既鮑魚就即時放在鐵板上，見到佢地郁郁下，於心不忍呀......。Bibi問: 我地可唔可以取消呢項架? 唔得架啦，呢D就係煮俾我地食既，都已經煮緊啦。



蒜蓉牛油煎鮑魚

我地隻蝦身就分成三份，整咗黃金蝦。

麵豉湯，好夠熱既。



牛肉卷，唔關我事既，叫Bibi鯁埋佢，師父會問你要幾成熟? 咁就要一件五成，一件七成俾佢體驗下兩種唔同既口感啦。

有炒飯同炒烏冬揀，我地要咗海鮮炒烏冬。呢度係二人分的其中一碟。

之後就係炒野菜啦。

食到呢度，我真係要投降啦。我已經冇食到牛肉，Bibi變相比我食多兩份肉，佢就會再飽D，所以佢話唔食菜啦，我都由得佢，等我慢慢食埋佢啦。

食鐵板燒就梗係坐正師父面前，睇佢煮住，一路熱辣辣咁食正D啦。但若然你地係想傾計既，一排四個咁坐又真係唔多方便。對於身材嬌小既女性，成餐飯吊住對腳坐，都唔多舒服唧。

所以，大家亦可以選擇坐普通位對食既。

我食六點半果場，比較少人，相信我地食走咗之後，客人會多返D。

============================================

感謝 May姨Blog 提供以上資料

May姨Blog的網誌: http://maylibibi.blogspot.hk/

============================================