經過城市綠洲，又發現佢換咗畫啦。

呢條大鱷，原來已經同大家一齊咁多年。



發財立品，不忘做一點點善事。



過去既六十年，香港經歷風風雨雨，亦曾經在製衣業有段輝煌歲月。



為紀念六十週年，就搞咗一個為鱷魚裝身既展覽，請到城中名人及設計師，為六十條大鱷塑造新形象。



呢條係林伯做既，都唔錯喎，如果可以同埋D孫一齊玩，就確係最佳親子活動啦。



大部份鱷魚都幾靚，忍唔住影俾大家睇下。

呢條銀色既係Amanda S.設計既，點解專登提佢? 因為呢個女孩子品質都算唔錯，唔係果D演手演腳，乜都唔肯做既人黎。

白魚果條，背脊好似個刷既punk look，係吳彥祖整既。上面果條黑白格，好似著咗Cosplay咁款，係Lisa S既手筆。

而伴著香港成長六十年為主題既設計呢，自然會有紅白藍既元素滲咗入去。

Chocolate Rain既作者令條大鱷紅咗鱷龜。

呢條就勁咯，同林白果條一樣有豪宅(玻璃櫃)住既，將會係仁濟星輝慈善夜入面拍賣架。

見唔見到下面果幅最前果隻黑魚野呀? 似坦克咁款，其實係電視版大鱷黎。而後面果隻好似舞獅咁款既大鱷，係今次比賽既冠軍黎架。

大家有興趣就不妨親身行埋D去睇下，最好揀早上，大家趕住返工，冇人會阻到你，成個場，得我一個人咁滯咋，影影下先有個外藉女士加入。你地係相入面見到既，都係在場外既途人黎。

記住順手拎返本場刊，入面有晒各個設計者既概念同簡介架！

============================================

感謝 May姨Blog 提供以上資料

May姨Blog的網誌: http://maylibibi.blogspot.hk/

============================================