阿比生日，我地去咗旺角既泉章居食飯．小青蛙唔ｃ服，人唔到，糕到！　

我地六個大人，一個細路，叫咗兩客二人餐加一碟糯米飯已經夠有凸．

兩個餐有兩窩例湯，今日係花生眉豆煲雞腳．

每個餐既主打都係三選一，可以揀霸王雞，鹽焗雞或者清蒸海上鮮．咁黎食得客家菜咯，就叫晒兩款雞啦．估唔到所謂例牌，都有成半隻雞咁滯．

四款小菜，找地點咗咕嚕肉

我地叫咗清炒豆苗，份量都算多喎．

炸鮮奶，我偏食，靜龜龜冇食到．

豉油皇煎大蝦

呢碟係糯米飯，算乾爽既

婷婷好明顯係叉唔夠電，所以冇乜胃口，連蛋糕都食唔晒．我帶咗四枝意大利既朱古力豆去做生化武器，都只係出咗兩枝同佢叉電唧！

呢個應該係紅莓芝士蛋糕定啦，見唔見呀？我件蛋糕識笑架．

我送俾阿比既禮物，環保ｄ，用返迪迪尼既朱古力盒黎裝，連花紙都慳返．



阿比就送我地曲奇禮盒

Sand Sand請大家食乳酪果乾

Dada請我地食古古力



華姐同二少奶就請大家飲柑桔蜜

我第二日就樣樣都開黎試過晒lu!

我老早就check定地圖，第一次單人匹馬，自己搵巴士站返屋企，唔駛下下要人送去車站，都算係一個突破架啦．

好好彩，同佢地分手之後我就見到有架巴士埋緊站，雖然仲有好大段路先去到車站，我都有盡力加速．好在路上交通繁忙，我去到車站，架車都未駛走，所以我好快就返到屋企啦．

============================================

感謝 May姨Blog 提供以上資料

May姨Blog的網誌: http://maylibibi.blogspot.hk/

============================================