日式咖哩店 Bee Japanese Curry Shop SeeWide

香港唔知幾時開始越開越多專食日式咖哩的餐廳，雖然依家好多地方都有，

但我一直都無食過，本身對日式咖哩都唔會太好奇，

直到上幾個星期，朋友成日都話食過一款蔬菜咖哩好好味之後，

我就拉左兩個同事，開完會同我齊齊食curry!

(其實我地去呢間同朋友講好食o個間係兩間黎gei，wakaka)

貪方便的我地一去就去銅鑼灣Sogo食，其實係求奇搵間日式咖哩餐廳試下jei。

一入去店仔細細，侍應全部都係講英格綠水(english)的，

因為我地鄉郊出城，好彩都talk得下，

唔係就真係飲水真係出返門口搵第二間算啦，

同事S點左一碗咖哩牛肉烏冬，睇下湯底幾濃郁!

我都試飲左一啖，發覺雖然外貌杰杰地，

但味道唔會過份濃，反而岩岩好，

呢個餐只係包飲品同烏冬，所以只係需要$78! (batting eyelashes)

(lunch set價錢，lunch時間都幾多人食)

我就同同事阿son叫左同一樣的食物，登登登登!

就係咖哩吉列豬排飯啦!對我黎講有d少飯! (laughing)

呢個吉列豬排比較薄，食入口唔夠啖啖肉，

肉汁都唔夠，味道好一般。

咖哩汁好惹味，令人越食越開胃，

而且辣度適中加上少少磨菇，令我都幾欣賞個汁。

呢個餐仲有麵豉湯、前菜同飲杯，

所以要$118，但係最尾我地3個都忘記左叫野飲囉! (tongue)

呢度的吉列豬排始終唔夠靚，可能以前食過銀座梅林的吉列，

真係食完返唔到轉頭，再食呢d發覺無得比! (tongue)

我地在呢度食左唔係好耐，都急急腳咁離開啦，
事關Lunch時間都幾多人，人來人往咁，
睇黎我地都係唔習慣城市生活，所以快快翠翠食完返返鄉下工作啦。 (laughing)

講起銀座梅林，IFC間分店好食過尖沙咀o個間多多聲ga，

大家如果要食就去IFC食啦，不過怕等就食返尖沙咀lu。 (winking)

Bee Japanese Curry Shop

地址：銅鑼灣軒尼斯道555號崇光百貨地庫2樓

~END~

商店	Bee Japanese Curry Shop


(0)	(0)	(0)