天氣開始涼

差不多又係士多啤梨季節

一心諗住帶悠悠去摘士多啤梨

收工齊齊衝入元朗

殺入錦田鄉村俱樂部

交通好方便既

西鐵錦上路站

轉搭綠的, 二十蚊左右就到

依到尼過N咁多次

今次首次見到咁鬼多人

因為好多學校旅行尼左

BBQ位置好full..

不過今日目的唔係BBQ

首先玩咗悠悠想玩既野

好多,有跳彈床

有騎馬仔,踩單車

仲有啲小手工比小朋友玩既,

不過我地無玩啦..

跟住就想先去摘士多啤梨啦

點知...啲士多啤梨未生出尼...

得小小青BB既...

無得摘...唯有去田到睇下

有蕃茄,但又係青BB既

見到有掘蕃薯喎

都好啦...

自掘有機蕃薯, 15蚊磅

都唔太貴..又幾好玩

努力掘...

有喇有喇..

掘到喇..幾開心

好多收鑊呀

之後再去玩電動車仔

中間有小插曲

話說去玩電動車仔時

比左錢後,我地揀架細車仔比悠悠

點知個阿姐話啲車無乜電

比左一架大既佢

點知架車超快

悠悠跟本控制唔到

一轉彎就跌左落尼

佢即爆喊啦

幸好無受傷,只係嚇親

當時只係玩左一分鐘都無

但佢唔肯再座其他車

跟住我唯有貼多三十蚊

座另一邊既電動兔仔

依個可以大人陪同座

但要成50蚊走一轉,真係好貴

跟住再玩埋騎馬仔,踩單車..

就係咁..玩左個幾鐘就走人了

尼左N次..真係越尼越悶

同埋樣樣都計錢,

玩一樣最少20蚊

真係唔係咁底玩

應該有排都唔會尼住了

如果想BBQ, 放風箏既朋友,或者可以考慮下既...