好似好耐冇介紹過食肆, 今日去開九龍城, 一心唸住食泰菜或者清真牛肉館~

清真實在太~~~多人, 唔駛唸就揀泰菜啦~又多選擇~ 唔想去d太光鮮太多人太出名o個d(黃珍珍呢d呢~~)又唔想去d太冷清… 於是揀左間細細地, 但都幾full又唔駛等位既鋪頭~

位於城南道, 附近都仲有幾間, 不過有d實在冷清到我唔敢入去, 冇咩保證咁~好在冇令我失望~

叫左3個送－－

未入去就唸定既芒果蟹肉炒飯, 好味~雖然唔係好留意倒蟹肉, 不過芒果好味~成個飯感覺都唔錯~

跟住daddy仔話想食沙律, 咁o岩我又係睇緊沙律@0@ 揀左燒牛肉沙律, 辣到阿媽都唔認得~不過我好叻~都唔駛點飲水~呵呵~呢種辣利唔辣喉既我ok, 至少唔會咳:p 辣得黎又幾好味~~牛肉唔un~亦冇d菜咁辣~daddy仔話好正宗

最後想嗌返個菜, daddy仔揀左個泰式雜菜煲~ 估唔到有粉絲, 亦冇唸住係瓦煲上~粉絲好入味~好正~菜菜都唔錯~又唔辣~

3個送分別係$4x, $4x同$5x, 埋單大約$160?

在場有一圍特登訂位黎食~聽講d生蝦都唔錯, 本來想嗌, 不過唔知d野幾大碟, 好在冇嗌, 3個都食唔晒要打包2碟XD

抵食又好味~唔錯~^^~

補充一點值得加分既係, 發覺我地張檯upup下即刻幫我地搵野zip好檯腳, 我地本來都冇留意^^"

============================================

感謝 Scorpio 提供以上資料

Scorpio的網誌: http://scorpio3210.blogspot.hk/

============================================