在網上見到一眾blog友在迪欣湖開開心心去野餐，又好玩，又浪漫，羨慕死人，即時聯絡幾位好友，組成遠征迪欣湖探險小組，出發呀！

早上在屯門碼頭集合，乘船從屯門去東涌，既快捷(25分鐘船程)，又便宜($15/人)，住元朗屯門的朋友可以考慮呀！但前往的人比想像中還要多，原定乘坐10:30的班次，10點去到售票處，船票已全部售罄。幸好，因應大量人潮，船公司在10:40有加開的班次。

官網渡輪班次參考：http://www.fortuneferry.com.hk/timetable.php

現場過百人排隊，終於可以上船啦

一出碼頭，已見到去逸東村的E31，位位$3.6，10分鐘車程順利到達。

網上傳說中，在巴士站旁邊的單車舖，竟然變身成為補習社... ...大家要留意呀！

幸好，旁邊的逸東商場內，就有一間單車舖，感覺上，由於地點方便，加上假日，價錢很海鮮，店主也有點愛理不理，$75/日，加藍$5，在迪欣湖還車再加$30。學華仔話，今時今日咁既服務態度，點得架～

又打左去網上搵到既Sunny Bike Shop問下價，$60/8小時，店舖位置唔易搵，識行3分鐘，唔識行10分鐘，不過勝在老闆態度好殷勤，教埋我地點去佢舖頭，再問下路人甲，大家即時移師去果面租車。

Sunny Bike Shop Facebook: https://www.facebook.com/SunnyBikeShop

價錢合理公道，明碼實價！老闆又勁好人，車款又新淨，即時Like佢Facebook，仲送枝水俾我地。(我無收錢賣廣告架，不過呢ｄ小店，態度好，又老實，真係要支持下！)

二人單車，係長洲踩過一次，超難控制，不過都見到人踩去迪欣湖，勁呀！

專業爬山單車，要$100/8小時

店內有埋詳細介紹去迪欣湖既相片解說，非常熱門既路線

老闆見我地唔熟路，仲熱心咁教我地點行，每個位要注意既地方，認真抵讚！(重申一次，我無收錢架)

大家揀好心水靚車，準備完畢，正式出發啦！