|
Pierre - 驚喜
|
|
HerbertLui
2010-05-27
952
0
|
分享
收藏
| 特別的日子, 當然要慶祝一下, 在這情況之下, 兩口子吃個法餐, 又實在是個相當好而又合理的選擇. 這次揀的是這家星店. 餐廳位置在文華頂樓,
這層一共有三家店, Pierre的入口好型格, 大電視的影像不聽在變, 黑到差點看不到路. 來的時候其實不是正日, 但因為就假期的關係, 就提早幾天來了這裡. 天色明朗, 能夠更加享受這裡的美景. 單計景色, 小弟係幾家法式星店來講, 最喜歡的就係這裡, 或許不夠金鐘那家店高, 但中環對正尖沙嘴的景觀係最維港感覺的. 星期五的午市來到, 供應的是Express Lunch, 由2 courses起計算每位$360, 再加一個course加多$80, 如果由First Course, Middle Course, Main Course食到Les Desserts就要$520, 因為都知道份量也不輕, 我們兩個都係要3 courses好了, 就揀了一個First Course, 一個Middle Course同埋兩個Main Course. Les Desserts就當然揀兩個, 對小弟來講, 那有不吃甜品的道理. 先來的當然係麵包, 用碟上, 一人一碟, 每碟三件. 麵包熱辣辣, 相當香口, 特別係那甜甜的牛由包, 實在好鬆軟, 忍不住吃了兩個麵包. Amuse Bouche有兩款, 賣相靚, 細細件, 清新, 也真的做到討好嘴巴的效果. 63 degrees eggs, black risotto made as a foam, green asparagus, Bellotta, Parmesan: 9分, First Course只要一個, 就係這裡的名物: 63度蛋. 賣相係好特別, 面頭放上一塊Bellotta火腿, 63度蛋就在火腿底下, 旁邊還有蘆筍同巴馬芝士, 而risotto就打成泡沫在碟的底部. Bellotta火腿有鹹香, 肉質靚, 無渣, risotto打成泡沫後黑黑的像芝麻糊, 真係唔講都食唔出係risotto, 撈埋63度蛋一同吃, 味道又幾特別. 蘆筍同巴馬芝士就一個清新一個濃香, 配上risotto又有另一番味道. 至於63度蛋是否真的特別好吃, 那就分不清楚了, 只知道蛋本身係好香滑. Bouillabaisse jelly, soubrossade ice cream: 9分, Second Course也只要一個,就係Bouillabaisse jelly. 相信不少朋友還記得上次KC兄安排的Bouillabaisse盛宴. 是日見到餐牌上有這個Bouillabaisse jelly, 當然想看看又會變成甚麼模樣? 賣相也真的像一碟馬賽海鮮湯, 上面還有不同的海鮮, 真係交足功課. 當然不同的係熱湯變成了凍的jelly, 相當特別. 味道是好濃郁的, 一口一口的把jelly放入口, 也真的像在喝海鮮湯. 當然, 大前題係你要接受到這份變化, 創意, 小弟就覺得值得一試. 加上面頭的soubrossade雪糕一同吃, 味道又幾匹配. 有創意, 味道也不俗. 這個Bouillabaisse jelly, 還跟上一客"nicoise" toast同吃. 吃著馬賽的名菜Bouillabaisse同時, 竟然還有尼斯的名菜Nicoise, 真係熱鬧. 但這個Nicoise不是沙律, 而係多士, 跟Bouillabaisse jelly真的係一對. Nicoise多士材料也豐富, 有番茄, 生菜, 芝士, 吞拿魚, 黑橄欖等等, 加上小小的一塊多士, 是清新開胃, 夏天吃更加合適. 放在一個小碟子上, 好精美. 值得一提的係這裡的餐具係相當精緻而又有型格. Tenderloin of pork, caramelised tomato, cheese dim sum: 9分, 跟住就到主菜的時間. 始終我們不太好魚, 就叫兩個肉分吃. 這個Tenderloin of pork, 係豬肉同芝士餃各兩件, 賣相像中式點心, 怪不得餐牌上竟然用上dim sum兩個字. 豬用上了豬腰的部位, 肉質自然係好嫩滑, 吃落口仲有點吃beef tenderloin的感覺, 面頭就鋪了焦糖番茄, 小弟一向喜歡焦糖, 番茄加上焦糖, 減低了酸味, 跟豬肉一起更加匹配. 這個豬肉, 真的做得出色. 另外, 件芝士餃係好濃而香, 小弟不喜芝士, 也好喜歡這個芝士餃. French lamb crepinette, roasted eggplant, broccoli florets and couscous: 9分, 除了豬, 另一個主菜要的是羊. lamb crepinette就好像免治羊肉, 賣相精緻, 羊帶點騷味, 連著底下的係燒茄子同埋西蘭花, 幾特別的醬汁. 另外還有金黃小麥粒couscous, 帶點小麥香, 更為健康的填肚之選. 另外跟上一碗小小的番茄菜, 番茄汁好鮮甜, 其實剩吃也可以, 就當吃點點菜蔬, 起碼在這餐裡, 係難得的綠色時間. Nelson: vanilla milk jelly, lemon Wurtz, Malabar ice cream and strawberry marshmallow: 9分, 甜品方面, 當然不吃甚麼生果沙律, 就要個Nelson. 點解叫Nelson? 是個份量不輕的甜品, 有雲尼拿牛奶布甸, lemon Wurtz, Malabar雪糕同買士多啤梨棉花糖, 陣容鼎盛. lemon Wurtz原來係這裡的招牌, 包括魚膠片,糖漿同埋檸檬, 味道是酸酸甜甜的. Malabar是法國的出名香口膠, 這裡就將Malabar香口膠的味道變成雪糕. 沒吃過這隻香口膠, 不知道這雪糕像不像那香口膠了, 但就係酸酸的味道, 幾特別. 也有不少士多啤梨棉花糖, 質感幾好, 士多啤梨的味道幾濃烈. 至於雲尼拿牛奶布甸是有兩個層次, 面頭係一層薄薄的牛奶, 底下就係牛奶布甸, 好香滑, 奶味濃郁. 這個雲尼拿牛奶布甸是偏甜的, 但跟上其他三個偏酸的材料(lemon Wurtz, Malabar雪糕同買士多啤梨棉花糖)就剛好互相中和了, 味道係調較得剛好. 這個Nelson實在令味覺相當豐富, 得! Millefeuilles brut de coffre, diplomate cream with kirsh and red fruit marmalade: 9分, 另一個甜品仲大堆頭, 係一式三件的, 包括一個像拿破崙的Millefeuilles brut de coffre, diplomate cream with kirsh, 一杯紅生果marmalade同埋一小球雪糕. 先講那一小球雲尼拿雪糕, 太細球了, 加上我們影相慢吞吞, 未開始食已經溶了不少, 不過雪糕係好滑的. 至於這個甜品的重點當然係疑似拿破崙. Millefeuilles brut de coffre譯出來即係Cream slices gross of trunk, 個皮係相當之香脆, 加上diplomate cream同埋小小kirsh酒, 只能講, 係好吃到不能停下來. 在不少地方吃過拿破崙, 這個的水準起碼是前兩名之內, 實在出色. 另外的紅生果marmalade, 一眾紅莓, 士多啤梨係非常之鮮甜, 跟這個Millefeuilles brut de coffre一同吃係好匹配. 最後, 大家也要了咖啡, 相當之香濃, 賣相也好靚, 係一個好完美的謝幕. 另外還有Petit Fours跟咖啡同吃, 始終咖啡係幾濃的, 吃吃這Petit Fours去送就最好. 對於Pierre, 小弟的感覺係相當不錯. 食物係走比較創新的路線, 也在味道上做到平衡, 不會為變化而犧牲了最基本的東西, 是一個特別的體驗. 服務方面, 是滿意的, 也沒有甚麼挑剔, 不過跟隔離那家二星店比, 好像那邊的態度會更加友善. 環境就當然是滿分. 價位來講, 不能說是好抵吃, 但就一定係合理. 總結一句, 城中的法國餐廳, 這裡在小弟的心目中會是三甲之選. 餐後文迪問我會否想再來, 現在想想, 其實也覺得這裡是有吸引小弟再來的因素, 或許就係每道菜色那份驚喜. 評分 味道: 9/10 環境: 9/10 服務: 9/10 抵食: 8/10 推介度: 9/10 餐廳資料: Pierre 中環干諾道中5號香港文華東方酒店25樓 2825 4001
感謝Herbert提供以上資料
|
~END~
人均
$450.00
| 商店 | Pierre |