|
帝京軒飲茶 + 學整芋頭酥
|
|
仙蒂小溫太
2014-10-13
1617
0
|
分享
收藏
帝京軒飲茶 + 學整芋頭酥
29 August,2014
仙蒂小溫太 || 分享快樂生活本子 ||
LIKE : Facebook Page
今餐茶要多謝嫂子同Laiyin呀~ 係我既午餐腳友~哈哈哈~ 因為我地一星期至少見一次面~食Lunch~ 好開心的~ 有佢地我先唔覺得悶, 佢地前排去左長途旅行一段時間, 得我係香港~ 悶到(AU)菇菇呀~ 所以你話朋友幾咁重要~ 哈哈 ! 今餐又係補祝我生日, 哈哈 ! 太多飯食~ 嫂子之前已經送左生日禮物俾我喇~ 係VW手鏈~ 好靚靚~ 最近開始戴下~ 哈哈~
帝京軒
地址: 旺角太子道西193號帝京酒店3樓
YEAH~ 等埋我到就開動喇~ 第一次黎呢間飲茶咋~ 味道當然非常好~ 環境又坐得舒服~
隔左咁耐有D唔記得咩味~ 不過全部都好好味~ 哈哈~ 特別最愛灌湯餃~ 好味道 ! 菠蘿叉燒包都好出色~
仲有叫左點心SET~ 哈哈~好似好有氣勢~ 好勁咁~ 有鮑魚同乳豬食~ 正 ! 不過食呢SET點心都已經好飽 ~ "的的息息"一盅一件點心~ 全部都係蝦~ 好彈牙好味~
最後仲叫左客甜品做ENDING~哈哈~ 多謝呀~ 真係好好味~ 呢似好似係紅豆香蕉酥(等左半個鍾), 不過真係堅好味~ 我最愛香蕉甜品~ 所以我俾100分~ 哈哈哈 !
等你咁耐都值得既~
多謝你地喔~~ (佢地行為要低調~哈哈哈) 其實兩位都係靚女黎架~哈哈~
食飽行陣花墟睇下靚花就閃喇~~~~ 睇完花心情真係大好呀 ! 我一陣就要去學整芋頭酥喇~~
我想講下點解走去學整芋頭酥先~ 真係全因黃媽媽, 佢話中秋食月餅食到唔知邊間好~ 真係好多間都試過, 以前D酒店月餅好食, (但被同胞搶貴左之後我地無買喇~) 今年話想試新野, 我就為左黃媽媽喜歡食芋頭, 我就去左整喇~ 而我自己就完全唔喜歡芋頭既~ 但食完之後就真係改變左喇~~ 超愛~ 原來真係好好食~哈哈~ 同埋BECKY教既糖同油唔算用好多, 間唔時食一兩件都健康既~~ 呢加我隔日整咁濟呀 ! 哈哈 ! D朋友係FB不停追問我, 我想講真係俾食譜你都無用, 真係唔學過唔知D技巧~ 學完我超有興趣, 全因為身邊屋企人, 朋友都好鍾意食~ 就令我更有動力去做, 因為太多朋友喜歡~ 真係排住隊黎我屋企, 雖然好攰~ 但好開心~ 大家都叫我快D開賣~ 不過我仲要研究到最岩味先推出~ 如今個酥我已經越整越靚~ 比起學個陣差好遠~ 希望到時大家都支持下我~哈哈~
第一次學的製成品~
前兩天做的芋頭酥~ 好靚喔~ 每次整都好開心好期待好似期待個bb出世咁~哈哈~
好喇~ 一上到去BECKY已經幫我地安排好份量喇~ 整芋頭酥係有兩份皮, 先可以做到一層層既效果既~
而餡既部份就比較麻煩~ (我覺得) 因為連粒麻糬都係自己整既~ 當然BECKY都幫我地安排好~ 因為要前一晚準備定先, 今日用就岩岩好喇~~
第一次整個陣覺得自己好成功架喇~~ 哈哈~~
用175度焗22分鍾就OK~
完成~ 好香呀~ 又唔太甜~ 正 !
學費 : 芋頭酥 - $320/8個
多謝你既教導喔BECKY~ :)
大家有興趣學就自己去FACEBOOK問佢啦~
感謝 仙蒂小溫太 提供以上資料 個人日誌: http://cindylittlemrswan.blogspot.hk/ |
~END~
| 商店 | Haileys - Bake A Wish |