話說兩個多星期前經過銅鑼灣軒尼詩道, 看到松坂庫看了分店, 而且在大門口竟然睇到「日本直送 西瓜, 蜜瓜」只售$68, 嘩!! 好抵喎.

於是即時走近, 發現包裝有點怪, 原來不是真蜜瓜, 真西瓜, 只是扮產地直送生果的小啫喱.

店員說:「我哋大約返個3個星期, 蜜瓜好多人買, 只賣剩一個, 西瓜就比較少人買!!」 於是我各買了一個回家試食.

阿囝一看到, 即時大叫:「有西瓜食呀??」我說不是, 這些是蜜瓜味,及西瓜味的啫喱, 囝更開心:「啫喱呀~咁米仲好食!!」

老實說, 這款啫喱包裝的像真度幾可亂真, 塑膠外盒上層的蜜瓜及西瓜的橫切面也打印得非常似. 難怪我最初一看也以為是真西瓜.

兩款的啫喱質感截然不同, 西瓜味的一款是正常啫喱模樣, 但蜜瓜質感則略似布甸.

經我們試食後, 一致裁定西瓜啫喱大勝蜜瓜, 因為夠香, 而又似正在吃西瓜的味道, 相反蜜瓜帶有點藥水味, 加上感覺不太似啫喱.

Facebook : https://www.facebook.com/hayakutang

http://dayanlife.blogspot.hk/2014/10/blog-post_14.html