|
大閘蟹宴 @ 國金軒
|
|
事頭婆
2014-11-04
794
0
|
分享
收藏
今年我一直存在著一個疑問，話說九月圓臍、十月尖，咁今年閏九月，咁即係閏九月繼續食雌蟹，定係閏九月已經可以食雄蟹呢？唔理咁多喇，為了可以早啲食，閏九月就開始我嘅大閘蟹餐。
今晚有幸獲得邀請嚟國金軒品嚐佢哋嘅陽澄湖大閘蟹，當然除咗大閘蟹外，還有佢哋其他嘅出色嘅小菜啦！ 蒜泥白肉卷 ~~ 肥瘦適中嘅五花肉配上爽口嘅溫室青瓜，讓五花肉帶來清新味道！ 
蜜餞叉燒皇 ~~ 嫩滑嘅梅頭肉配上香甜嘅蜜汁，是這裡必食菜式之一！
花旗參姬松茸燉豬腱 ~~ 踏入秋冬季節，不論男女都要滋潤一下，這個湯絕對係滋補之選！
火龍臥雪 ~~ 名字很似那些武俠小說中嘅武林招數，給人一種很型格嘅感覺，就像這道菜嘅外型一樣。。。型！大大隻紅蝦炸得酥脆，但全無油膩感覺。而大蝦下層嘅嫩滑蛋白，絕對中和了酥炸大蝦嘅油膩感！
陽澄湖 6両大閘蟹 ~~ 有專人為我們將蟹拆解，之後完整地將它排回碟上。豐腴甘香嘅蟹膏，入口帶著黏黏嘅味道，係今年食過最好味嘅大閘蟹！
紅酒燴牛尾 ~~ 爽滑嘅外皮與鬆軟嘅肉質，入口即時感覺到那濃郁嘅骨膠原。甜美嘅醬汁做到了甜而不膩！
黑糖馬拉糕 ~~ 鬆軟嘅馬拉糕，帶著點點嘅黑糖香味！
香芒楊枝金露 ~~ 這裡有我甜品中必選嘅楊枝金露，很喜歡它香甜嘅芒果味道！
開心嘅時候過得特別快，可以响這樣舒適嘅環境，享受著美食，真是一生一大快事！
感謝 事頭婆 提供以上資料 事頭婆的網誌: http://pamdinningtable.blogspot.hk/
|
~END~
| 商店 | 國金軒 (尖沙咀店) |