我認我是759的粉, 所以葵涌光輝圍新開的759茶餐廳怎可以不去試. 11月3日開業, 其實, 我已經來遲了兩天.

老實說, 我從未來過光輝圍, 所以約朋友在葵芳地鐵站, 乘36M巴士, 兩個站不用5分鐘, 一落車走入一個橫街就到. 原來茶餐廳位置也不算隔涉.

19:00到達, 門口阻滿等位食客, 全場滿坐, 估不到只需等十分鐘就可以入座. 不過坐正冷氣機下, 呼呼冷風, 大部份相機吃完的食物, 到我們吃時已經涼了.

看官方facebook的午餐有A-E的選擇, 原來晚餐只有兩款, 可能太多人光顧, 晚餐B更於20:30售罄.

今晚我們五大一細, 於是點了四份中式小菜, 再加鐵板豬扒餐.

其實, 以759雲吞麵的經驗, 一早已知759茶餐廳不是主攻街坊價錢, 而是質素, 所以對於廚師推介的「蜜椒牛柳粒」, 及「黃金鮮魷」真的要豎起大母指讚好.

牛柳粒又腍又入味, 鮮魷又香又有鹹蛋香, 脆岳岳, 兩款餸先來真的叫人拍案叫絶.

再來的啫啫滑雞煲, 則略嫌雞件太細,  不是不好食, 只是略遜前兩者, 不過, 因為我愛食豬潤, 所以, 單天保至尊, 也算過關啦.

不過, 之後的鐵板雜扒…腸仔, 牛扒尚算可以, 但我們一致覺得這塊豬扒的肉質非常有趣, 腍得非常不似豬扒, 而且豬味非常淡薄…嘻~嘻~ 可以的話...我下次來應該只選中式食物會比較好.

759的店員一直擁有優良的服務態度, 當所有餸菜上枱後, 忙碌的店員才發現我們的四季豆已經售罄, 所以, 不斷向我們道歉, 並為我們更改菜單之後, 再每人送一碗例湯, 忙中有錯, 無問題, 無問題.

個人覺得759雲吞麵的水準較茶餐廳為高, 最起碼水吧的檸檬茶, 除了我枱的三位女仕, 同場也聽到有人說茶味有點不順口喎.

茶餐廳一定較雲吞麵難做, 因為要兼顧的食物範圍更多更廣, 質素很易有偏差, 希望新店新開張, 慢慢從大家意見中去改善食物, 我估下次再來應該會有驚喜吧. 加油!!加油!!

759茶餐廳

地址：葵涌光輝圍7及9號光輝大廈地下B2號鋪

電話：3669 6945