7 NOVEMBER 2014(FRI)

依排真係十分忙碌，就連靜靜地食個午餐時間都冇，不過今日就偷半點悠閒，去McCafé嘆左一個SET，為自己打打氣~

今日送左小小豬返學之後，原本係打算去麥當當食個快餐，之後又趕去我要到嘅目的地。點知當我入到麥當當就俾依個廣告吸引左，就係咁....我就由食快餐改為嘆蛋糕，即刻高貴左好多呀...哈哈哈~

今次都係我第一次光顧McCafé，因為一向我都唔飲咖啡，咁又點啱去幫襯呢？成日都見啲拉花咖啡都覺得好靚，今次我終於都可以一試，因為McCafé新出左一杯小鹿布朗尼熱朱古力，真係啱晒我呀~

成日都驚依啲拉花飲品個製成品同個廣告會好大出入，不過今次又真係唔多走樣，隻小鹿又幾可愛。依一刻都真係唔知點入口好，因為好唔想令到依隻可愛小鹿走晒樣嘛！

雖然係好唔捨得，不過都總係要飲落口，依杯朱古力味道又真係唔錯，比平日飲開嗰啲香濃同幼滑啲，或者係加左布朗尼糖漿嘅關係啦！

另外，我仲加左$16叫左一份新出嘅綠茶紅豆心太軟~

老實講，依個心太軟就真係有點失色，入面個啲流心紅豆漿係唔錯，有好香嘅紅豆味而且又唔甜，不過實在太少分量，食幾啖就已經冇晒。另外個綠茶蛋糕比起坊間嗰啲就堅左啲，如果可以軟身少少，咁就應該會好味啲。

雖然個蛋糕味道就欠左啲啲，不過輕輕鬆鬆咁食左一個SET，我就充充電，可以繼續有力量去迎接之後嘅忙碌啦！

MY FACEBOOK~


MY WEIBO~