8 NOVEMBER 2014(SAT)

非常感謝Disney Channel邀請，今日我地三口子有幸可以出席奇妙十年聖誕派對開幕禮，可以優先大玩特影呀~

我地去到嘅時候都差唔多係開始開幕禮，所以就企定定係台前等睇節目啦~

首先就係有兩場跳舞表演~

BOB就係今日嘅大會司儀，睇電視就真係成日見到佢，現場都係第一次~

經BOB一輪介紹之後，就舉行簡單而隆重嘅開幕儀式，一班迪士尼朋友仲一齊出嚟主持儀式添~

儀式完結之後，大會仲準備左啲小食俾我地添呀~

食到飽飽之後，我地遇到DAIDAI一家，皮皮仲借出佢心愛嘅車仔同小小豬玩左一陣~

休息過後，我地就去參觀位於露天平台嘅五個遊戲區啦！首先就係由史迪仔做主角嘅 - 星際寶貝：神奇大冒險~

其實入面係一個考眼力同專注力嘅電棒過關遊戲，小小豬當然係未識得玩啦，不過在場嘅負責哥哥好有耐性咁教小小豬，見佢唔夠高仲抱佢過關，真係好細心呀~

反斗奇兵安仔之家，小小豬一見到胡迪同巴斯已經勁開心啦~

以故事中安仔房間1:1實物佈置，入面其實就係可以俾我地影相呀~

不過，由於我手機係冇安裝QR CODE，所以我唔可以直接D/L小小豬依張有型相，唯有用相機影低佢啦~

係度要提醒大家，去參觀安仔房間時，記得要開住個QR CODE，咁在場影相同D/L CODE嘅時間就會快啲，咁排隊時間就會快啦！

飛哥與發仔瘋狂實驗室，飛哥同發仔都係第一次嚟到亞洲呀~

其實入面係波波池，每次可以有四位小朋友一齊玩。雖然啲波波就唔算多，不過都夠一班小朋友玩，小小豬都不知幾鐘意，玩得不知幾開心呀~

另一個第一次嚟亞洲嘅展覽就係好多小妹妹好鐘意嘅蘇菲亞 - 小公主蘇菲亞皇室花園~

嚟到小小豬全場最鐘意嘅遊戲，就係米奇冰雪滑梯，先係附近啲佈置影吓相先~

依條滑梯全場16米，望落去都真係幾高。其實依條滑要高過120CM先可以去玩，不過可能係開幕日關係，所以在場姐姐都唔係好嚴格，所以小小豬就可以"側側博"咁去玩。依個大膽嘅小小豬一啲都唔驚，仲連續"SIR"左6次都話未玩夠呀~

今日除左可以優先玩之外，大會仲安排左五個遊戲區嘅主角同我地影相。一向我都勁鐘意同迪士尼人物影相，今次可以同蘇菲亞公主、飛哥與發仔影相，真係超級興奮呀~

同啲朋友仔影完相，今日依個咁開心又好玩嘅活動就完結啦！不過又話係六大Disney Channel人氣卡通區，點解依度只有五個區呢？

原來仲有一個反斗車王冠軍賽車場遊戲區於11月15日係樂富A區美食坊前展出，小朋友可以係賽道內駕駛電動車。

睇見到覺得好好玩，加上小小豬依家勁鐘意渣車，所以到時一定要抽時間帶小小豬嚟玩呀~
(官方相片)

除左有六大遊戲區之外，仲有一棵佈滿迪士尼公仔高8米嘅聖誕樹~

係棵聖誕樹仲係首棵可以播放Disney Channel節目嘅聖誕樹，可以在場同大家重溫好多受歡迎嘅卡通劇集呀~

展覽期由2014年11月10日至2015年1月18日係樂富廣場舉行，最重要就係免費入場，大家有時間一定要嚟玩/影返轉，開開心心迎聖誕呀！

More Information :
Website：http://www.disney.com.hk/DisneyChannel/
Facebook：https://www.facebook.com/DisneyChannelHK

MY FACEBOOK~


MY WEIBO~

 

MY E-MAIL~

 

 

其他博客區

※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※