[分享] 快樂的香味 • SABON 

同Suki好耐無一齊行街買野, 下午傾傾下電話就不如即興出黎食飯啦~ 就係咁我地六點唔夠就去左芽莊食Dinner, 第一次食好好味既越南菜, 而且價錢又唔貴~ 真係好抵~食飽就開始行街, 真係行上去第一間就走左入Sabon, 呢加之前我睇過雜誌, 係天然成份既淋浴護膚產品, 重點講陣我都係睇中呢間既shower~ 打算試下~ 可能又真係我先入為主, 我知道呢昌好野黎既, 就同suki入左去, 一袋二袋出返黎~哈哈哈 ! 

 SABON 

地址: 九龍尖沙咀海運大廈3樓OT309B店 

電話: 2722 3101 

營業時間: 10:00am-10:00pm (Mon-Sun)

我問左sales姐姐佢話可以影相我先影架~ 方便寫卜嘛~哈哈~  

店內每邊放滿產品~  

前排已經有BOX SET , 呢SET有LOTION + SHOWER $450, 不過係細支裝架~ 

SALES會介紹佢地既皇牌Scrub~ 磨沙真係超超超超超超正 ! 冬天我一定推介佢~ 因為洗完係勁滑, 仲有D油係面, 不過又唔淋, 我都唔知點解, 就係咁, 我決定買一SET返屋企~哈哈哈~ 

店員介紹先用SHOWER > SCRUB > LOTION 咁就用齊一SET三款~ 呢加既天氣我已經開始用緊, 皮膚真係好潤滑~~ 好好好好正 ! 

SUKI皮膚爆乾, 店員推介呢款BUTTER~ 係好杰身, 皮膚乾到痕既, 就好岩, 因為好潤 

店員就係推介我買呢套, 一SET有三款, 都係大支裝~ 雖然我都覺得貴左D~ 不過都係用一季姐~自己用都可以用到2-3個月左右~咁我覺得OK既~ 哈哈~ 老公知道都話要用, 試完磨沙都覺得唔錯 ! 不過我買左ROSE TEA味, 好香架~

我三款都係ROSE TEA味~ :) 好靚呀個樽~~ (我自私, 我強烈希望老公唔好用佢, 好貴,唔好浪費~哈哈哈 ! ) 

LOTION全身我大約用3-4下, 真係全身塗哂~ 反正你推到就得~ 唔使用好多~ 

返屋企立即影相俾大家睇~ 

面就係油黎既, 精華所在, 每次用就搞一搞先 

大約三匙就夠可以磨身, 真係沖水個下發現好滑好潤~ (真係正到要介紹, 我自己都覺得好打似廣告咁~~哈哈哈) 

自己返屋企用手試試先~ 

LOTION~ 一次用齊三樣~ 冬天唔怕乾爭爭啦~ :)