KEITHYIP♥MM♥LOVE♥STORY♥ 尖沙咀香港朗廷酒店★美岸海鮮廳★The Bostonian Restaurant★食後評級
|
|
MMKEITH
2014-11-18
984
0
|
美岸海鮮廳 The Bostonian Restaurant 尖沙咀北京道8號香港朗廷酒店低層大堂
Semi-Buffet Lunch X 2位 半自助午餐 CASH$415.8 9000 Asia Miles
今年的asia miles 已經係最後期限啦 但有追post都知道我行不開 所以明明本月台灣機票特價換購 我都只能換最唔值的餐飲券>< 不過哩餐唔計asia miles的分 齋計原有價錢係抵的 首先環境不算多人 比較起上黎明顯地係一間高級的餐廳 同平時食自助餐唔同 因為始終成400元位的午餐 人地有錢人真係hea住嘆世界 但我們哩的死窮光蛋 係為了哩道的前菜頭盤而黎 因為頭盤前菜係有3款不同的即開生蠔任食 都唔理樣唔樣衰啦 點完主菜後唔理3721就狂食生蠔 生蠔就分了3種地區 其實食落口除了一款麻麻地外 其他2款都夠哂海水味同好鮮甜啖啖肉 口感味覺都好高享受 新鮮到老公直情唔洗落任何調味就咁食 因為每天供應唔同款式 所以都唔會指出邊款好食 不過我相信3款任你選實有一款仲意的 係生果位置旁邊還有2款熱的焗蠔 但焗蠔直情提供的份量少到呢 但因為其實哩道環境唔算自助餐FEEL 吧台真係得咁大 好彩我們坐近樓梯位 所以狂食都唔係好顯眼 因為的有錢人好像真係一隻起2隻止咁 所以呢平時諗住狂掃一餐飽的 真係要諗下哩間合不合適 因為哩間的服務員雖則口就無說咩 但都是有點奇怪的眼光咁 加上哩道的餐牌全英文 咁我們哩的死窮鬼或多或少都係睇得明小小 睇多一陣你再不點餐 職員會行埋黎問你餐牌有沒有咩問題 (感覺係暗串你識唔識囉) 事實真係有的睇不明架 食到未夠喉的時候 職員會問你可以起主菜未 即代表收走哂前菜的刀叉碟 咁始終今天主菜係後者 未夠都不好意思話唔上得啦 好彩由頭到尾得職員見我們係咁食 其他食客因位置問題留意不到姐 主菜我們選了下面2款 Bacon Wrapped Beef Mignon Sole Roulade,Sauteed King Prawn 但真心2樣都沒有心動 牛只能說有juicy的血水囉 但係肉質都係外表過硬 魚的汁直情我們2公婆都唔識欣嘗 只有隻蝦比我快速ko 甜品就每款各一 甜品相對地就有好高的質量 2款都推介 但如果2款只能選一款的話 蘋果味哩款會高分的 會否再黎應該唔會啦 始終食蠔的還是去番的個個都專攻蠔的地方 咁樣感覺都開心的嘛 400元一位lunch我還是喜歡傳統自助午餐或傳統西餐廳 哩間的口味始終唔太適合我
|
商店 | Bostonian Seafood and Grill (香港朗廷酒店) |