|
午餐@八戶屋~
|
|
helenhlblog
2014-12-06
1105
0
|
分享
收藏
自從領匯接管了安定/友愛商場之後, 就開始了需時3年的裝修, 近來看到大部份商場範圍的外形同內部裝潢都來了個大變身, 好似一個全新商場, 亦多了很多新食店, 八戶屋就係其中一間~ 由於暫時是商場唯一的一間日式食店, 所以好多時行過都好多人等位~ 今次因為12點就行過, 於是決定一試啦~~ 唔駛等位就入得~
每人一杯柑橘蜜飲吓先~~ 跟餐飲品來的~~ 
它的餐牌有很多set lunch選擇, 星期一至五就會再平啲~~ 揀了一輪, 老公叫了一個辣味牛肉烏冬~~ 由於老公揀了少辣, 所以看來不太紅, 試了一片牛肉, 味道都ok~ 是合格之選~~ 
自己就貪新鮮, 叫了一個牛肉便當~~ 呢個同其他便當就貴少少, 70幾至80幾蚊一份~~ 有西式+日式沙律、三文魚+油甘魚魚生各2片、湯、白飯, 當然主角就是牛肉~~ 不過, 當所有配角都恰如其分時, 薄切的牛肉味道就唔錯, 但熟咗啲, 有幾舊唔係好咬得開, 食了一輪先食哂......可能下次都係揀炸蝦便當好啲... 另外這間食店的侍應不太足夠, 我們最初被安排坐在角落位置, 但係張枱係完全未執, 叫了一輪才有侍應來執, 又叫了一輪才有侍應來落單......張單來的時候, 明明隔離枱係啱啱坐低, 都扔我們張單俾人, 嚇親隔離枱, 好彩佢哋醒目, 知道張單係我哋嘅...... 原來它在大埔有另一間分店~~ 看Openrice食評好似好過屯門分店少少, 大家可以考慮吓~ https://zh-tw.facebook.com/hachinoheya http://www.openrice.com/restaurant/sr2.htm?shopid=163421 http://www.openrice.com/restaurant/sr2.htm?shopid=47303 http://fat_family.mysinablog.com/index.php?op=ViewArticle&articleId=5310909 http://fafasparadise.blogspot.hk/2014/10/blog-post_18.html http://maylibibi.blogspot.hk/2014/06/blog-post_19.html
感謝 helenhlblog 提供以上資料 helenhlblog的網誌: http://helenhlblog.blogspot.hk/
|
~END~
| 商店 | 八户屋和食料理 (屯門店) |