抱歉,發生點錯誤。
重新載入
漫遊白腊灣、糧船灣與西貢海岸~
helenhlblog
2014-12-14
7827
1
分享
收藏
上次跟團購去完萬宜水庫、糧船灣和甕缸群島之後, 又有機會參加"中銀香港綠色社區計劃"的"香港地質海岸生態考察行"~ 因為我們都未去過白腊灣, 於是報名時就揀了去糧船灣、萬宜水庫和白腊灣的路線, 即係又有機會遊船河同看靚景~~


這裡就是白腊灣~ 一行到呢個位, 大家都停低影多幾張相~~原來香港真係好多風景美麗的沙灘, 這個沙灘絕對比得上大浪西灣等有名的沙灘呀~~


不過未仔細講白腊之前, 都係由行程開頭說起~~ 早上大家就在西貢公眾碼頭附近集合~ 今次大會就每人送了1把有LED燈的風扇仔, 不過天氣其實好凍, 風扇仔用唔著了~~


又可以坐船來到西貢海內~~ 這日雖然有點凍, 幸好天公造美, 有太陽曬吓, 大家就冇咁凍, 而且影相效果都幾好~~


我們先從船上觀看六角柱岩、花山同萬宜水庫東壩~~ 今年7月才來過, 估不到這日又有機會~~ 天色比7月那次似乎更好, 影出來的天很藍~~


不過始終有點大風, 架船有啲"拋", 都有點暈船浪, 幸好今次掛住睇風景同影相, 望多啲遠景, 同埋冇"lei"在船艙, 吹了一陣冷風之後, 似乎克服了暈浪啦~~ 臨走前又影一下花山~~


之後架船就行了一個圈, 幾乎去了甕缸群島的範圍, 不過由於這團的路線有別, 於是只係經過, 冇特別駛過去~


於是按路線看了周圍的奇岩怪石~~ 不時看到海岸有被海水侵蝕的明顯痕跡~~


呢個海蝕洞(拱)應該7月那次都有看, 不過嗰次暈咗, 咩都睇唔到, 今次可以親眼看到了~~~


很清楚看到了洞口~~ 如果有人玩獨木舟, 真係可以駛入去架~~


架船駛去島的另一邊, 讓我們再看多次同影吓另一面~~


之後架船去了糧船灣~~ 不過今團是不包午餐, 所以沒有在這裡吃飯~ 景色依舊~~


不過今次就見到地下有一大堆銀色物體......原來係村民在曬銀魚~~


好多團友一見到, 就去村民度買, 好似聽到係幾十蚊一斤~~ 不過我們就冇買啦~~



另外今次有幾隻狗仔不停跟住啲團友~ 村民就話係因為佢哋想食嘢~ 有團友拎住嘢食, 佢哋真係跟到實, 於是見到有團友餵了點麵包給牠們~~


導賞員話去到白腊灣再食飯, 於是大隊跟住他們行上山~ 糧船灣天后廟後面有條小路, 一路行就是了~~

去到半路有2條路, 不過個路牌甩哂色......隱約見到行另一條路5百多米就去到沙橋, 而我們去的白腊, 行多720米就到~~


路上不時見到形態有趣的野果和植物~~


行上小山, 再由小山行落去, 就見到我們的目的地: 白腊灣~~ 這樣看真像外國那些很美的渡假沙灘~~ 難怪村民都想開發呢度同大浪西灣~


沿住小路下山, 不時都可以望到沙灘, 大家自然爭取機會, 不停影~~~


相信夏天時候一定好多人來游水~~ 冬天就少人好多啦~~


其實在小路向下望仲見到牠們~ 入到村就更清楚, 就是一大堆黃牛~~ 數過有成差不多30隻~ 好久都未試過見到咁多牛~~ 不過周圍的草地都係米田共, 行上去真係要小心翼翼......

不過未有時間影牠們, 因為老公同奶奶都想睇咗沙灘先~~


水清沙幼, 依家來的好處就係冇咩人, 感覺更加悠閒~~


雖然天氣寒冷, 仍見到有人在沙灘附近露營~ 如果唔怕凍, 這個季節來就唔駛同人爭~~


原來這裡有間餐廳~ 因為大會通知大家自備食物, 所以大部份人都係自己帶食物 (包括我們), 只有小部份人幫襯~ 原來除了餐肉煎蛋麵, 仲有咖哩飯、豬扒飯之類, 價錢都係四、五十蚊, 見到人哋的食物, 看來質素尚可~ 汽水之類就最少12蚊一罐~~

呢度有洗手間, 仲可以租獨木舟, 又有沖涼房, 10蚊一次, 難怪冬天都仲有人來玩~~


餐廳的環境都不錯, 在這裡一邊吃飯、一邊看海, 挺寫意~~


我們借了餐廳的位置, 坐低食完個簡單午餐, 又周圍行吓~~ 原來白腊周圍有很多露兜樹 (即係假菠蘿), 老公同奶奶都好想摘個 (其實唔啱架......), 不過冇個係熟嘅...佢哋話熟咗係黃色架~


海灘另一邊有個"危險"告示牌, 不過大家一於好少理, 行入去睇吓...


企在岩石上, 影吓沙灘的側面~~


這個位置有好多碎石同岩石, 如果漲潮時應該有水, 所以退潮時才可以行過來~


近距離看看這個被海水侵蝕的位置~~


這裡看, 有點似東平洲的岩石哩~~

這次的生態團還有另一個目的, 就是大家一齊幫手執垃圾~~ 其實都係執咗半小時都冇, 而且都係執咗幾袋, 唔算好多, 不過都希望為保護沙灘出一分力~~ 其實臨走仲見到有垃圾, 又或者見到好多人在沙灘旁砌了個石爐, 又唔還原或清潔, 另外又有一些埋在沙中很難拎起的垃圾......其實呢個沙灘已經唔算污糟, 不過都仍需要大家有公德心, 沙灘才可保持美麗呀......


執垃圾的期間, 老公見到有隻如手指大小的蟹仔在沙上, 很得意~~ 希望我們在執垃圾時沒有嚇倒牠啦~~


執好垃圾之後, 有一點時間, 又去看看牛仔~~


牠們繼續努力食草~~ 希望牠們可以繼續安穩地在村中生活~~


這條就是白腊村~~ 如果村民真係打算發展呢度, 根據丁屋政策, 其他人未必可以阻止, 唯有希望村民有良心, 顧念這裡的動植物, 唔好過份發展就好了~


去到3點, 是時候行回去糧船灣坐船返西貢市~~ 回程時, 我們見到這種看來有趣的果實, 點知導賞員話呢種叫"羊角拗", 是香港的四大毒草之一, 成棵同果實都有毒......好彩冇多手掂佢......原來香港4大毒草之首係"斷腸草", 大家都要小心呀......

成個行程都算順利, 而且是幾有意義的活動, 感謝各義工和導賞員的帶領、講解, 對香港的生態又了解多啲啲~~

如果大家有興趣參加, 12月18日晚上9時有第2階段的報名, 可以選擇6條生態路線, 有興趣要準時上網報名, 因為上一次3分鐘之內所有團爆哂, 所以分秒必爭架~~ 每人只可以參加一次, 每人60蚊, 這些錢會資助貧困小朋友參加生態活動~~

想了解更多詳情或報名, 就看看大會的官網啦~

http://bochklohas.com/


============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/


============================================

~END~
商店 糧船灣
特搜總編E2014-12-16 16:39:25
+ 追隨
舉報
恭喜!經過「SeeWide評審團」一致通過,你的發佈已被選為推薦攻略!你將獲得200經驗值作獎勵!
回覆