|
周年晚飯@中國芳~
|
|
helenhlblog
2014-12-21
1002
0
|
分享
收藏
| 時間如流水, 已經是三周年結婚紀念~~ 上年就去了新加坡旅行當慶祝, 近來為了儲錢, 決定簡單慶祝一下就是了~ 老公想食中式, 於是選了這裡~ 因為3年前, 我們差點就在這裡擺酒, 點知最後都係選了另一間~~ 有段時間冇嚟過, 不過裝潢冇咩變化~ 雖然係平日, 不過都幾乎坐滿, 因為臨近"做節"呀~~ 
先吃了前菜, 有黑木耳、青瓜、豆腐、毛豆~~ 因為"中國芳"係食京式菜, 所以前菜同平時的酒家都有分別~~ 酸酸哋幾開胃, 好快就食哂~~ 
之後來了蝦仁煎豆腐 (佢有個正式名字, 不過忘記了...), 味道都係酸酸甜甜, 豆腐煎得少少脆, 入面好滑, 幾有水準~ 可惜蝦仁數量不多, 雖然都好食, 不過同餐牌張相差好遠, 餐牌的相是一舊豆腐配一舊蝦, 依家一上碟都已經蝦同豆腐分開哂......下次都係唔好信呢啲"官方相"... 
另外點了薰豬蹄肉~~ 味道都可接受, 點一些醬汁食有少少惹味~ 切得都薄身, 容易吃~ 合格啦~~ 
食完兩碟, 再等了差不多15分鐘, 才來了這份無錫骨~ 冬天時候, 啲飯都凍哂...可能因為鄰枱都係做節, 叫了很多餸, 亦枱枱叫了好多隻北京填鴨, 所以師傅唔得閒, 不過後來部長都有解釋, 呢份骨要炆耐啲~ 這份骨都係酸甜味, 幸好上枱時係熱的, 食落就冇咁"漏"~ 不過每人2件, 食完都覺得飽飽~~ 總體都算不過不失~~ 但下次想來, 都係唔好揀節慶前後, 因為好多人高談闊論, 幾嘈, 而且上菜又慢, 少啲人的時候應該好坐好多~~ http://www.maximschinese.com.hk/tch/restaurant/brand_intro.aspx?bId=41 http://www.openrice.com/zh/hongkong/restaurant/%E8%91%B5%E8%8A%B3-%E4%B8%AD%E5%9C%8B%E8%8A%B3/46581 
食完不如行吓, 於是去了看樓下XO的聖誕展覽~~ 
可能平日, 不算好多人影相, 可以逐隻公仔影~~ 不過XO不是我們最鍾意的卡通人物, 所以都係隨意影吓~~ 
唔知點解, 雖然周圍都有XO, 這隻熊貓同白色海豹卻似乎最多造型像, 於是隻隻又影吓~~ 樣子都幾搞笑~~ 這年的慶祝簡簡單單, 不過最重要身邊有老公在, 已經好好好開心啦 ^^~~~
感謝 helenhlblog 提供以上資料 helenhlblog的網誌: http://helenhlblog.blogspot.hk/
|
~END~
| 商店 | (已結業)中國芳 China Fragrance |