14 DECEMBER 2014(SUN)

整聖誕森林球(按此重溫)，估唔到細心嘅MegaBox姐姐仲為我地準備左Play House E³ Club嘅入場票，所以依個貪玩嘅小小豬又可以嚟放電啦~

其實我地都打算整完個聖誕森林球之後離開MegaBoxg去我地下一個目的地，不過當得到突如其來嘅入場票，加上見小小豬係剛才活動又幾乖乖，所以就留多一陣，俾小小豬嚟個大放電啦！

小小豬對開心嘅地方特別記得，對上一次嚟都有成四個幾月，估唔到今次再嚟，唔洗我地點講就已經自動波式去玩啦~

對上一次都要我地陪住佢玩，不過今次就已經自己走嚟走去，大肥豬都只係企係出入口睇住，以防小小豬走左唔知係邊~

點知當小小豬玩左幾轉之後，佢就叫我陪玩，仲拖我去玩添~

哈哈哈...平日小小豬玩嘅時間都只係會搵大肥豬，今次難得俾佢揀中，我當然好樂意陪佢玩啦！

雖然陪玩又真係幾辛苦，不過見到小小豬玩得開心，自自然然都會令我開心一下啦~

上次嚟玩都唔見有足球機， 今次又試下玩先~

最後就渣多一陣車仔~

今日係PLAYHOUSE入面都只係玩左一個鐘左右，雖然時間唔長，不過小小豬都玩得好興奮，放夠電啦！

不過，今次事件又要俾個叻小小豬，因為當我地話要難開去另一個目的地時，小小豬完全冇因為未玩夠已發脾氣，仲話：好呀...我地下次再嚟玩過呀！

依一刻好似覺得小小豬大個仔左啲啲，明事理左啲啲，所以真係要搵個機會再帶佢嚟玩多次呀！

MY FACEBOOK~

MY E-MAIL~

 

 

其他博客區

※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※