早一晚致電George, 原來Cafe不設電話訂位, 他說:「星期日下午茶時間, 可能你要預多人少少」結果如他所料, 我們在門外坐約20分鐘才可入座.

2012年夏天「Cafe Je T'aime」接受「飲食男女」訪問, George的太太Sharon想放棄多年的教書工作, 開蛋糕店.

George因為擔心, 也放棄原有工作, 與太太共同於上水創業, 太太賣餅, 他拉花賣咖啡. 由無人光顧至去年多開一間分店, 現在Sharon主打新店, George則兩邊走.

跟小巴司機說, 要去「Cafe Je T'aime」的新功街, 他回答「無新功街, 新成路係米呀? 係啱架啦, 你落車啦...」(心諗, 咁都得??「功街」, 「成路」我唔識分咩?)

幸好上水的街坊好人, 她教我們如何去到新功街. 原來這條小街的氣氛似十足一個小澳門.

不過街上卻塞滿大批水貨客, 她們蹲在店旁, 將貨包裝入篋, 將本來美好的懷舊小社區切底破壞.

不過, 幸好女孩向歐陸風強烈的「Cafe Je T'aime」, 絕對是提供香港人一個避難所, 就連George也說:「無錯呀! 我哋只有香港人幫襯」(正! 如果我吃餅的同時, 真的有位大陸客在我旁邊執篋, 我會想死)

今日, 我們非常幸運, 因為全店唯一個梳化竟然等待著我們. SY抱著大大咕臣不停大叫:「好舒服呀!好好坐呀!」

當小朋友不停打量之後, 他說:「爸爸..點解周圍畫咗咁多貓嘅?」

因為老闆兩口子大愛貓貓, 所以全店找來George的妹妹在牆上畫滿貓貓. 

問George全店一共畫了多少頭貓 ? 「我哋不停會再加, 有時間又再畫, 所以未有總數」 SY暫時數到18隻, 不知下次來又會多添多少隻呢?

「藍梅芝士蛋糕」George說是全店最高銷量的蛋糕, 而朱古力慕絲則是專為阿囝點選的.

結果, 我們與一同分享梳化的小倩侶, 同時點了一樣的兩款蛋糕, George說:「哈..咁橋你哋要晒我哋最後兩件香蕉朱古力焦糖慕絲」

慕絲帶一點點酒, 揀飲擇食的阿囝, 又懂挑走三片香蕉, 及吃剩含酒的部份, 真的被他激死.

芝士蛋糕, 藍莓味道夠充足, 實而不華, 四平八穩, 感覺就如李克勤唱歌. 不過我愛似陳奕迅的慕絲蛋糕, 層次感強, 又有變化.

我們在研究畫在雪櫃的街景, 照估計應該是Café對面的情況.

店員Yumi感慨說:「幅畫係幾年情況, E家變晒啦, 好多舖執咗, 變晒做水貨客生意… 」

我向George說, 因為飲食男女我好想來這裡, 不願上鏡的他答:「當年攝制隊來了三次, 他才答應給拍攝…」

原來, 老闆表示, 因為上水太少可以給情侶拍拖的地方, 所以希望開一個Café專門給拍拖用的. 哦! 難怪這裡佈置得如此童話.

阿太點了一杯初戀, 青蘋果梳打加檸檬汁配杏仁雪糕, 而我且是熱情果咖啡, 星期日放假的下午, 我們一家三口百無聊懶趟在Café個半鐘, 非常享受.

感覺最特別是我們的遊閒, 連吃一片芝士蛋糕也分了10分鐘來「嘆」, 相反門外的水貨客則在行人路上衝鋒陷陣, 隔岸觀火的情況, 十足十食薯條點軟雪糕, 過癮之極.

今日唯一失望是看不到Sharon, 雖然George提議帶我到新舖走一轉, 但不知為何一闖進「Cafe Je T'aime」就像中了迷迭香一樣, 懶洋洋的不想走動.

阿囝今日竟然可以坐定定, 足足90分鐘, 看來George一定在Café施了魔法.

下次來希望我可以氹得到與老闆合照, 並且我一定要坐後園的露天位置, 天朗氣清的日子, 這裡簡直世外桃園一樣喎.

PS: 謝謝Yumi及阿葉, 今日給我不停問長問短, 打擾了, 不好意思.

大仁生活facebook

http://dayanlife.blogspot.hk/2015/01/cafe-je-taime-j2.html