|
(｡･ω･)ﾉ飲夜茶食創意點心 ✿ 譚點王朝 ❤
|
|
Kawai
2015-01-13
997
1
|
分享
收藏
| 記得細細過時,每逢星期日都會去飲早茶, 大個女之後, 一年只會起到兩次身,分別是父親節及母親節吧~ 其他的星期日,我都是訓到早晨全餐都轉了餐牌才醒來! 前幾天,食友們提出放工後去九龍城,飲夜茶食點心,我當然第一個舉手喔! 一坐低,朋友已經點了其中一些招牌點心 
譚點海皇大湯包 ($48/件) 上台已覺得份量十足,湯包皮比小籠包較厚身,要放湯沒辦法再薄了, 隨湯派來一支已修剪過的飲管,可以像喝椰青水般刺一個小口用飲管享用, 同台朋友入口覺得好熱,但我覺得ok不太熱,仲覺得幾好玩, 湯料有瑤柱,蝦肉,蟹肉,味道非常鮮甜,只嫌包皮厚左少少..... 
叉燒黃金甲 (脆香酥皮焗) ($24/3個) 即是叉燒酥....外皮有點像菠蘿包,但咬下不會跌得一地碎片, 外皮有點甜甜地,內餡亦恰到好處不會過咸! 本來好喜歡添XX的出品, 但我每次都會食到成身都係碎片, 而且餡比較咸,我決定跳船,嘻嘻!! 
飲茶當然要食蝦餃同燒賣,夜晚都係咁話! 王朝蝦餃皇 ($18/2件) 皮薄餡多,有兩大隻蝦, 豬肉比例少, 食蝦餃當然想啖啖蝦肉啦! 
墨魚子花菇蒸燒賣 ($18/2件) 一客兩件,好大粒,原來重量兩件就等於普通酒樓一籠(四件) 咬落啖啖肉,花菇好清香,豬肉肥瘦得宜,上面d墨魚子脆卜卜! 
蒜香海鮮春卷 ($18/3件) 用酒杯Presentation 又幾特別, 感覺似Cocktail 那些 FingerFood, 炸得不油膩,入面是蝦膠吧, 味道不過不失,只是其他的食物太好,就有點比下去了 
甘荀咸水角 ($20 / 4件) 可愛的造型取勝,外皮口感似酥皮的感覺, 皮脆但係餡比較少,同平時酒樓的咸水角有點不同~ 
蜜糖黃芥末魚腐卷 ($24/4件) Kawai 平時是不吃芥末的,所以食不慣覺得搶喉, 魚腐口感彈牙,不過真係太辣了,好想食,但最後也只有放棄 
青芥脆蝦一口漢堡仔 ($24/2件) 如上,我也不太接受青芥的搶喉感, 同上面的相比,呢個搶喉我係接受到,而且覺得不錯, 入面放了一隻炸雲吞,有創意的配搭 但漢堡仔一點也不少,以我的大咀巴就要吃幾口才吃完~ 
黃金流沙煎堆仔 ($22/4件) 就是煎堆仔入面有奶皇餡,奶皇不太甜,可以一次滿足兩個願望 
黑松露石榴果 ($20/2件) 好了!到素食了!黑松露石榴果,外皮似粉果皮,比較厚身的 裡面放了很多菇菌類的餡料,沒有蒸過火,菇菇入口依然是很彈牙鮮味重 
黃金千絲銀蘿腸 ($24/份) 也是素食哦~薄薄的腸粉皮包著網狀脆脆的蛋皮, 入面放了銀絲,蘿蔔絲等餡料,咬落脆脆的,非常爽口 配搭的腸粉豉油也是甜甜的,不會把腸粉弄至死咸,很不錯 
在我的記憶中,酒樓供應的點品,離不開也是紅豆沙....不吃也不是損失 但在譚點王朝,一定要留肚食甜品,因為件件也很有特式,會根據時節而有所改善 奈何我也飽了,所以我只能輕嚐一些 低糖甜品系列 紅酒燴雪梨 乾燥的秋冬都比較乾燥,所以甜品方面就有清潤的紅酒燴雪梨, 上台時已經聞到頗強烈的酒味,我不好酒,亦試過食橙酒梳乎厘食醉了! 所以我都幾擔心又醉左...... 食落口....原來無紅酒味的!!!!只有好清香的桂花同雪梨甜味, 雪梨燴至入口滑溜溜,用湯匙也可以輕易取得果肉 事實我亦沒有食醉.... 有幸見到主廚,他說呢個甜品要用好多時間準備,要隔一晚就要張羅 而所用的紅酒都是比較貴的,紅酒只有濃濃的香味,食落是沒有酒苦味 幸好朋友醒目,不然又錯過了~ 
呂宋芒果布甸,十勝豆桂花仔糕,親親椰絲小白兔,小甜甜一口脆糖蛋 ($9-10 /件) 因為Kawai 真的好好好好飽了,所以只吃了小白兔,蛋白打得鬆軟,入口即溶 其他的幾款,朋友說也各有特式,我真的不知道甜品也可以這樣精彩 
當晚甜品也夠精彩,下次Girl's Night 試下飲夜茶也不錯~ 譚點王朝 (營業時間: 08:00-22:00) 九龍城南角道29號地下 訂座電話 :2383-7200 茗茶 每位 3元, 不設加一, 另設點心到會服務
For Collaboration and Invitation,
FB Page: Kawai / Small Talk Corner Please send to : littlecatt@gmail.com Blogspot。TheZtyle。Beautylife。FanPiece。 BECB＠Beautyexchange。Openrice。 She.com。U lifestyle。Weshare
感謝 Kawai 提供以上資料 Kawai的網誌: http://iamkawai.blogspot.hk/
|
~END~
| 商店 | (已結業)譚點王朝 |