又是每月一餐的時候,今次除左是每月一餐之外,也是田會長的生日飯呢,揀了Greyhound Cafe,之前幫襯過尖沙咀果間,都幾好,今次去MK分店。

book了4位8:00。

MENU。

冬陰公湯配意大利雲吞,上菜時已聞到冬陰公香味,看賣相以為好辣呀,其實味道只係少少辣,但好鹹,大蝦多肉,不過肉質好林,好似唔多新鮮呀。

細細粒的意大利雲吞,只有3粒,不夠分,個饀一樣係好鹹呀。

招牌脆炸單骨雞翼,好少肉,不過幾惹味。

特式炸薯皮配蒜香醬,同薯角一樣,份量多,熱辣辣,幾好味。

軟殼蟹墨魚汁麵,原隻軟殼蟹上,感覺好有份量,軟殼蟹正常水準.墨魚汁麵味道不太濃呀。

泰式沙嗲雞柳串。

三串雞柳,三串辣椒,辣椒感覺上太多了,雞柳幾惹味。

甜甜地的沙嗲醬不俗。

麵包點沙嗲醬食幾好味。

泰式鹹魚乾辣椒意大利麵,因為特別而叫,意大麵少少鹹,味道可以,鹹魚乾正常水準,份量

Green Mellow,好細杯,口感似沙冰,味道幾香青蘋果味,不過好甜。

味道上TST果間好少少。

旺角太子道西193號新世紀廣場3樓301至302號舖