南丫島一天遊(下): 索罟灣至榕樹灣~
|
|
helenhlblog
2015-01-18
8835
0
|
分享
收藏
上回提到由菱角山行返去索罟灣, 就開始另一段行程, 就係由索罟灣行去榕樹灣~~ 其實通常啲人都係由榕樹灣行過來, 然後留低食海鮮餐先走, 不過這日我們不吃海鮮, 晚上另有晚餐, 另外其實索罟灣的船比較少, 差不多1小時才一班, 榕樹灣半小時就有一班, 行到去榕樹灣比較容易有船, 而且30分鐘就返到中環, 再配合埋我們這天的路線, 結論就係要咁樣行 ^_^~~ 自己係第一次行, 老公就行過幾次, 於是佢就我, 一路看哂所有景點, 例如: 蘆鬚城泳灘~~ 再遠眺索罟灣~~ 石礦場~~ 發電廠~~ 洪聖爺灣~~ 風采發電站的大風車~~ 還有榕樹灣的夕陽~~ 上次來的時候都有幸看到 (請看上年的BLOG)~~ 又由行程的中段說起~~ 由索罟灣行去榕樹灣, 就係在天后廟另一條路~~ 過了一條小橋, 看到了淺灘~~ 行了一會就見到另一個沙灘~~ 另外還有神風洞~~ 都係在外面拍攝一下就算了~~ 之後有2條路, 老公就話揀左手邊的一條~~ 會經過這間荒廢了的蘆鬚城學校~ 其實可唔可以活化它做小食店或歷史/生態資料館之類呢? 就不用如此浪費了一間學校的地方~~ 沿途又會再見到索罟灣的魚排~~ 還有索罟灣碼頭~~ 因為自己未去過蘆鬚城泳灘, 於是途中行了去沙灘的小路~~ 冬天時候冇得游水, 人自然不多~~ 風景唔錯的沙灘~~ 夏天應該好熱鬧~~ 看完沙灘之後, 折返去原路, 就會開始慢慢上山~~ 沿途可以再見到索罟灣~~ 同喺菱角山上見到的差不多, 不過角度低啲~~ 有個迎海的觀景亭~~ 就是可以看到海灣同石礦場~~ 不過小小的亭子內有不少遊客, 所以冇行落去~~ 其實這天的南丫島真係幾多人, 沿路都有人, 大陸人、香港人、外國人都有, 可能因為接近假期時段, 想去離島走走的人不少哩~ 中途又有一條小路行入去, 有另一個亭, 不過這個亭周圍都係樹, 看到的風景不多~~ 之後開始行沿海小徑~~ 由於比較濛, 加上背光, 影到的相麻麻......行了不久就去到山腰的觀景亭~~ 又係好多人坐喺度, 所以冇行埋去~ 它的附近有個小食亭~~ 生意唔錯, 好多人幫襯~~ 我們都有幫襯, 就係買了一份15蚊的"冰菠蘿"~~ 可能因為冬天, 店主都冇特別雪凍啲菠蘿, 所以唔係好凍, 甜甜哋幾好味又解渴~~ 不過老公就覺得細份咗啲~~ 這個中途站還有一幅大地圖, 介紹南丫島大部份景點~~ 這天幾乎都去齊哂了~~ 過了這個補給站, 就開始下山~~ 可以見到發電廠~~ 再行多一段路, 就去到洪聖爺灣, 比頭先的蘆鬚城泳灘多人喎~~ 好多人喺度玩沙、行沙灘, 幾有渡假feel, 相信夏天一定更加多人~~ 行過了洪聖爺灣, 就來到一個十字路口, 可以行上去風采發電站, 即係大風車的位置~~ 不過第一次來, 真係估唔到呢條係長命斜, 都幾難行......前面幾個大陸人仲要推單車上山, 服了他們......估不到又見到一棵紅葉樹喎 (相的右手邊)~~ 行了20分鐘上斜, 終於見到大風車啦~~~ 原來風車站的另一邊仲有一條斜路, 仲斜~~ 不少人特地行落去挑戰一下, 我們就沒有啦, 因為行返上來咪仲辛苦...... 參觀一下風車腳下的展覽公園~~ 有展板介紹風力及太陽能發電~~ 風車腳下都有展板, 仲有標板標示電量、風力等數據~~ 在展覽公園對面有條小路, 行50米就有一個亭~~ 可以遠少少再望風車架~~ 如果香港可以有地方整多幾部就好了~~~ 在亭的位置還可以看到港島南面的景色, 例如數碼港同香港仔~~ 仲見到太陽開始西下~~ 離開風車站, 沿路落返去十字路口之後, 轉右行多15-20分鐘, 已經到了榕樹灣~~ 太陽已變成夕陽了~~ 本來都想留多一會, 但5:15有船, 我們趕住回市區, 於是都係去了搭船~~ 這裡同上年來的時候差不多呢~~ 還有這個熟悉的地標~~ 這次的船有室內及室外座, 當然坐室外吹吓海風~~ 有夕陽伴航很不錯呀~~~ 希望第時有機會再來呀~~ 下一次應該要挑戰完整的菱角山或東澳路線~~ 有關南丫島的介紹: http://www.discoverhongkong.com/tc/see-do/great-outdoors/outlying-islands/lamma-island/index.jsp http://www.hkkf.com.hk/index.php?op=show&page=travel_lamma&style=tc http://www.hike.hk/load.jsp?route=lammaa http://www.oasistrek.com/lamma.php http://travel.ulifestyle.com.hk/DetailSpot.php?id=ADgRYxEq
感謝 helenhlblog 提供以上資料 helenhlblog的網誌: http://helenhlblog.blogspot.hk/
|
~END~
商店 | 南丫風采發電站 |