抱歉,發生點錯誤。
重新載入
香港好山好水 - 塔門
敗家媽媽
2015-01-26
908
0
分享
收藏
上星期去完大尾篤BBQ, 呢個星期再接再厲去郊遊

今次會去塔門, 

媽媽自己都唔係好記得有冇去過, 

就算有應該都好耐好耐之前...




同埋表哥表弟一齊去,

11點幾出發, 到馬料水碼頭等12:30 班船, 有興趣去的話記得留意船期





估唔到有咁多人去, 坐滿成隻船


經過兩個中途站, 大約一個鐘多d 先o黎到塔門


一片小島風光


碼頭有個公廁阿女即刻鍊住個鼻



我地打算o黎野餐咖, 要搵個大草地先

好彩阿女而家大個左喇, 肯自己行, 

唔係呢d 上山路段我都唔知點算



沿路去"疊石"見到有宿營人士, 

我地都考慮下宿營o既可能, 但應該唔會o黎呢度


疊石呢頭有個大草地


阿姨話o係度搭個蓬啦


小朋友話幫手喎, 不過佢地o既幫手你懂的~


陀地牛出沒


搭好蓬後拎o野食開餐, 水果, 零食一應俱全


阿姨整左飯團



小齊主要食零食同車厘子


溏心蛋夾包, 不過小齊又唔食


食完o野比個波佢地玩


呢個年紀真係最happy, 無咩煩惱, 

一個波都玩得好開心



不過小齊真係太情緒化同埋脾氣差, 

佢會因為我唔係第一時間幫佢執返個碌左落山o既波而大叫"我好憎你呀!"

真係令媽媽心傷...


雖然知佢唔係有心, 佢之後都會講媽媽對唔住, 

但都覺得佢EQ 要多訓練, 

有時D o野佢太緊張, 為左好少o野就會唔開心同埋喊

睇o黎我要花多d 時間諗d方法向佢曉以大義, 

等佢明白自己d o野"雞毛鴨蒜" (tree gun mode) 係幾渺小

等我又拎返本四隻腳兩隻鞋同佢講下先





玩左一陣又同佢地行下睇下風景


塔門風景算是幾好的, 弓背灣景色亦有獨特之處, 

但假日o黎人好多呀, 同我o係網上睇到o既差咁遠o既?

而且"非本地人" (係咩人你懂的) 數量亦唔少


隨之而o黎係垃圾都好多,

呢個 pebbles beach 其實放眼望都係垃圾, 唉~

唔係話想歧視人, 但睇 d 垃圾都知係咩人掉o既, 

當然香港人都唔一定有公德心,

但我估香港人唔會咁喜歡食同咁易買到簡體字包裝o既"鹵味花生" 同 "xx山泉水"

連郊外地方都淪陷




大家玩到4點幾就拔營搭5點班船走喇



是日靚衫: Catimini












============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/


============================================

~END~
商店 塔門