2013年9月8日 (晴)
農曆七月剛過，天氣就立即放晴

唔知同鬼門關關上，有冇關係呢？

都係時候要出去曬一曬，洗洗d 陰氣先

哈哈！唔好笑我迷信吖，鄉下妹係差唔多

好！烏蛟騰 13:10 出發

九担租.......右轉

沿住溪澗行

開始時風景就冇咩好睇，只有草同草，仲有樹和樹囉！

間唔中有 d 盛開既花花

有冇人知e朵花花叫咩名呢 ??

三椏村要經三椏涌 ，經過既標柱都話路程是 45mins

係真唔係真呀 ?? 莫非我原地踏步 ?

落咗幾日雨，斜坡上都積滿水

哈哈！真係水頭充足

成日都要間水行，最慘仲有泥漿欄途截劫呀

20分鐘唔使，就嚟到三椏涌

行高dd ，視線廣闊 dd..

好囉 ! 起碼有山有水，唔使得 d 草同草，樹同樹咁寡喇 !

踩出一條新血路 ，幾得意既石頭路
鄉下妹加咗d d 幻想，放d水就似水上樂園既瀡滑梯

行快d行快d........

目的係

指定動作，行山至愛大檸樂

哈哈！ 餐蛋面 又點少得你吖

吃飽飽，有氣有力繼續出發

15:25 荔技窩，我嚟喇

影吓我隻肥豬腿 + 鋪滿泥既大腳8先

掛住行，同時間有d趕之下

唔記得影相tim

15:45 終於嚟到荔枝窩


行快d 去探吓白花魚滕先

唉! 滿目瘡痍，慘不忍睹....
真係人怕出名，豬怕肥， 自從白花魚滕出咗名之後.......

比人玩殘咗，踩到冇晒生氣，大多數都枯萎晒，睇到都肉赤呀!
而家唯有圍住佢地，等 d 白花魚滕可以休養生息
保得幾多得幾多啦 !

大家要記住，好好珍惜我地既大自然環境
破壞一分鐘，復完可能要上百年，所以唔好隨便去破壞大自然既自然生態呀!





有記客家菜，假日都冇開，唔知仲有冇運作呢？

係 e 間廟側邊上去.....

又幾特別 呢??
哈哈 ! 未就係風水林囉 !






探完2位過佰歲既秋楓樹....
繼續向前出發
五指樟

咦 ! 點解得3隻手指，唔係5隻咩 ??



bye bye la ! 五指樟，秋楓樹
16:15 向分水凹進發

過咗 e 個牌就一路各上行，向上行....
上上落落，全程石頭路

攪到我要谷行副 engine，谷到大汗叠細汗，上氣唔接下氣呀 !

17:30 終於到達谷埔，見到平地喇 !
牛牛。唔好過嚟追住我吖



朵花開得剛剛好，好靚呀 !

仲有我最愛影既朱槿(大紅花)


由於趕時間冇行過去，影張相算喇 ! bye bye 谷埔

剛剛見 到e 位哥哥釣咗條幾斤重既大魚...好勁呀! 恭喜晒!


沿路有好多蟹仔，係度爬吓爬吓，唔執書拍張近照先

加插一張 鳳坑日落 + 梧桐山 + 大小梅沙全景

今日既日落真係好靚好舒服呀 !


要行快 d 喇 ! 一陣摸黑就唔好啦 !
喂喂 ! 太陽伯伯.......等等呀 !

睇嚟太陽伯伯真係好趕，唔肯OT
莫非佢要趕返去睇衝上雲霄大結局 ?
我都要睇SAM 哥呀 ! 等埋我吖.....

感謝 LazyPigPig 提供以上資料
個人日誌: http://www.lazypigpigso.blogspot.hk/