31 JANUARY 2015(SAT)

謝謝麥當勞叔叔嘅邀請, 今日我地三口子今日去左跑馬地馬場參加一個非常有意義活動, 就係去參加兒童愛心馬拉松十週年~

大會仲為我地一班BLOGGER準備左一個好好嘅位置, 等我地可以近距離欣賞開幕禮呀~

其實今次都係我第次踏入馬場, 唔止我...就連小小豬都好感興趣, 一搵個座位就周圍望啦~

活動未開始之時, 我地一班BLOGGER先嚟張大合照先~

之後就自由活動周圍行下, 係依個時候我會個大電視度見到我地三口子, 原來係我地上次參加訓練日(按此重溫)時嘅片段, 估唔到我地三口子有份呀, 真係好驚喜呀~

準備跑步前, 大會為我地準備左少少食物, 等一陣間可以有力跑呀~

時間剛剛好, 食飽飽之後就開始開幕禮啦! 今次活動大會主持係朱薰~

仲有特別嘉賓係容祖兒, 今次都可以話係第一次近距離見咁多明星呀~

簡單又隆重嘅開幕儀式, 正好代表今日嘅活動開始啦~

麥當勞叔叔同佢一班好朋友教我地做熱身運動~

最後一班商台DJ上台, 齊齊收大支票呀~

其實今年參加人數及籌得金額都係破左往年紀錄, 今年亦都因為參加人數太多, 所以親子跑都分左三個時段開跑, 反應真係非常熱烈呀!

開幕禮完結之後, 見台上班嘉賓都同麥當勞叔叔朋友集郵, 真係勁妒忌呀~

就係依個時候, 大會安排我地嘅小朋友畫面仔, 小小豬當然唔執輸玩埋一份! 除左面仔之外, 畫師姐姐仲同小小豬係手上畫左對愛心紅白襪添~

依個傻傻的小小豬對佢面上及手上嘅圖案都好滿意呀~

臨開跑前我地一班BLOGGER同麥當勞叔叔影張大合照先~

咩叫未出發先興奮, 睇小小豬個樣就已經知道啦~

不過, 等左一陣都未開跑, 小小豬又變回心急豬了, 仲不停問...開始未呀? 開始未呀~

小小豬聽到大會嘅哨子聲, 已經一支箭咁跑跑跑啦~

老實講我都真係唔夠依隻豬仔跑, 小小豬真係好享受去跑, 一直都係跑係我前面, 叫佢停低等我影幾張相都話唔好. 如果唔係我有幾轉跑快啲嚟等影佢個步姿, 我都唔知佢跑嘅時候係笑得仲笑咁開心~

其實全段路程太約都有成兩公里, 小小豬又點可以跑足全程呀, 所以就跑一陣又行一陣啦~

哈哈哈...小小豬跑得有幾落力, 睇佢跑到連鞋都甩就知啦~

終點在望啦~

小小豬終於完成左佢人生第一場馬拉松, 其實我開頭都曾經有一刻擔心去到半路小小豬會話攰唔肯自己行. 好在最終都係非常合作情況下自己完成, 都真係要俾個叻佢啦~

跑完之後, 小小豬仲問我係唔係可以再跑多一次? 嘩...小朋友嘅精力真係何其多, 我行完之後(冇錯...我係行...哈哈哈), 我對腳都已經好似唔屬於我啦!

今年見小小豬跑得咁開心, 出年一定要再帶小小豬嚟參加呀!

雖然今日我地係以BLOGGER身份參加依個活動, 不過我地都有出少少綿力, 幫小小豬捐少少錢支持麥當勞叔叔之家. 因上次為參觀過麥當勞叔叔之家開放日之後(按此重溫), 加深左認識, 覺得佢地真係一個好好嘅機構, 對患病小朋友及其家人嘅關懷, 係俾左好大信心同支持, 對佢地嚟講係一個好大嘅鼓勵呀!

我地三口子日後都會繼續支持麥當勞叔叔之家, 有愛心嘅朋友仔都要力支持依個咁有意義嘅活動呀!
 

More Information :
Website：http://www.mcdonalds.com.hk/ch/social-responsibility/kidathon.html
Facebook：https://www.facebook.com/rmhc.org.hk

MY FACEBOOK~

MY E-MAIL~

 

 

其他博客區

※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※