貴德宮皇廷素宴 SeeWide

公司少同事間既活動.
有經理安排了Tea lady 教大家整 coffee.
我本來都無留心.
自己又忙去唔到,
最後叫同事幫我留一杯 ^^
都未償係一個好節目.

今個星期第2次約朋友又遲到.
無諗到朋友們等埋我先開席

第一次來貴德宮皇廷素宴

Lavender Tea

什錦併盤 - 有我最愛既皮蛋
用iphone影既相都好差
只好放朋友既相.
下次都係要攜帶相機出街

湯水餃 - 個湯都好味.

估唔到入面都有少少皮蛋

隔離台既菜, 錯上給我們.
問侍應先知隔離台前日來過,
會為佢地改 menu.
仲話我地下次再來,
可以話佢地知幾時來過,
再安排其他菜式.

好靚又好味既芝士雜菇撻

蓮藕湯
好重薑味

腐皮卷
無menu, 上菜既時候提既菜式
過一會都忘得一乾二淨
打電話book 台既時候,
餐廳問我有無來過,
可能想解釋一下.
我只知係私房菜,
又無問$$$.
去到先知$208一位.
14菜真係抵

菠蘿 + 紫姜炒年糕
未食過紫姜咁爽.
年糕都好好味.

枝竹唐生菜粉絲

燒釀茄子

一見到磚塊大家就被吸引住.

咖哩鴛鴦丸 - 超好味.

魚蛋同牛丸既質感都好似.

入面既薯仔都好好味

可送飯又可送包,
似足日常菜式, 卻令大家食到好滿足.

仲有2味甜品
杞子桂花糕

味道perfect 既合桃露

下次同學會係度再攪一場相信大家都無異議.

感謝小月提供以上資料

個人日誌: http://siuyutravel.blogspot.hk/

~END~

商店

貴德宮皇廷素宴


(0)	(0)	(0)