從前未試過香港賞櫻, 因為阿太說:「人哋話長洲今年啲櫻花好靚, 不如去睇下囉」, 於是年初五一家三口首次櫻之行.

長洲的櫻花就在關公忠義亭前, 由碼頭往右經警察徑暗斜上比較辛苦, 於是我們揀了行學校路走樓梯直上.

SY很高興, 不知道精力旺盛的小朋友由細到大也愛走樓梯, 他還興高彩烈的為我們計算「1, 2, 3, …101, 102, 103, 爸爸, 總共103級樓梯呀!」

今天很幸運, 因為沿樓梯上忠義亭期時, 遇到18年前居於長洲的Tommy, 他除了逗SY玩外, 更給我說說當年的歷史. (我最鍾意八卦別人的故事啦!!)

Tommy說「當年鍾意長洲的情懷, 所以特登搬入嚟住了六年, 日日出香港返工就係船度瞓足一個鐘, 佢話老婆都係長洲認識喎…」

Tommy指給我看, 從前忠義亭前有4棵櫻花樹, 當全部開花時不知多浪漫, 今日唯一一棵都開得靚, (聞說今年情人節後櫻花已經開得好靚), 不過就寂寞一點.

難得來到賞櫻, 當然要來一張全家褔吧!! 因為現在只有一棵櫻花樹, 所以, 這小小的泥地就成為了全場人排隊輪候拍照的指定位置.

在場所有人也站在唯一的櫻花樹下, 不斷舉機拍拍拍, 感覺十足十粉絲遇到偶像一樣, 幸好這位偶像身形魁梧, 足夠應酬在場約50-60人.

我其實不愛拍「行貨花」, 因為個人覺得沒有靈魂, 我還是愛拍下阿太抱起SY在2015年櫻海下的情況, SY愈來愈高大, 看來明年再來, 可能也抱不起他了.

身旁的阿太埋怨:「你又唔早啲講我知櫻花咁靚, 部手機都影唔到嘅, 早知帶相機啦…」(其實, 我都唔知櫻花開成點架喎) , 不過, 我見阿太愛影花, 我就索性跟阿囝去玩「捉依欣」, 整部相機給她慢慢影.

「樹蔭有一隻蟬跌落你身邊」我最愛的一句歌詞, 不過, 可能今日忠義亭前頗熱鬧, 我們的50分鐘櫻花會過程中, 不要說蟬, 半點蟬聲也聽不到. SY話:「都唔明有乜好影, 同屋企枱面盆花米一樣」(佢指我年宵買的桃花)~激死人.

原來網友皮皮一家年初三也來過賞櫻, 皮媽說當日「長洲超爆多人…」那今天我們幸運得多, 人數不多不少, 熱鬧得來一點也不擠迫. 最高興還認識了Tommy及陳Sir兩位前輩.