附近有元朗郵政局

大雄就係大雄

呢套都無話劇唔劇透啦！因為其實無咩新嘢，好多都係80年代嘅漫畫同電視版，所以都係睇3D公仔，同聽配音

以前有人係網上講過話靜香係娘娘，因為佢生日，去佢生日會嘅朋友全部都係男仔，而且全

部都要送禮物俾佢，今次唔係要講呢樣。

大雄已經唔係靚仔啦！讀書又唔叻（仲要唔係勤力果隻），體育又唔掂，又成日俾人恰9仲要個女仔-即係靜香啊！）幫拖。人又無，錢又無。假如無多啦A夢幫手，大個無女，都唔係一件奇怪嘅事。就算有女，都差不多可以肯定伯母唔會俾雞髀佢食。所以呢，就算大雄大個之後要娶胖妹，都已經執到……啦！大個又揾唔到工，之後又生意失敗，D後代用嘅嘢都霉霉爛爛。搞到阿世修都要幫下佢太太爺，令佢幸福，所以就派多啦A夢返去20世紀。

香港版電影一開始有保全叔個女芷筠嘅獨白

到正式開始果陣，多啦A夢出場果陣，為左展現實力，所以都出左好多經典法寶：隨意門啊，竹蜻蜓啊，呢D都會有！凝雲噴霧都出埋，胖虎係雲上面唱左（阿唔係，應該係讀左）『相逢何必曾相識』呢首經典歌，可見配音員都比之前用心融合香港

記憶麵包同隨意門有D害左大雄嘅感覺，呢兩樣嘢搞到大雄可以繼續賴床同唔溫書。

故事都有提到大雄大個，真係同靜香結婚（大雄長大嘅世界好多植入式廣告）！不過佢居然可以記錯日子，早左一日去註冊處！

多啦A夢終於要走！但大雄又俾人恰！胖虎同大雄講話多啦A夢返左來，大雄信以為真！小夫更加放狗入大水管，等大雄所以佢又想多啦A夢幫手！最後大雄係房度揾到類似錦囊嘅物體，佢有需要嘅時候，可以係八寶袋攞適當嘅法寶一次咁多，而果次攞到謊話藥，食左藥之後講嘅一切，都會變成假話！大雄對住胖虎講『胖虎你媽媽今日會對你好好』，佢就即刻俾娘親打啦！小夫就聽到『今日唔會俾狗咬』，點解去唔識講『小夫你今日好靚仔』呢？又係一次無意中講『多啦A夢已經走左，唔會再返來啦！』，多啦A夢就返到大雄身邊！咁因為謊話藥嘅作用，大雄只可以喊住講『我唔想再同你生活！』

『保全叔，我以後都唔想再聽到你把聲啊！』睇來細佬都要謊話藥WO！

（呢套係唯一一套有出曬香港版配音員個名嘅多啦A夢大電影）

大家可以睇下預告，同D明星嘅評語

[群星觀後A級評語] 《STAND BY ME: 多啦A夢 3D》STAND BY ME Doraemon 2月19日(年初一) 感動賀歲