2/3,今日公司午餐食開年飯,真開心

食完返到公司已經三點,一心諗住好快收工,頂多陣

點知..去一去個廁所....發現出血...

唉...又要去急症了

本來諗住好怕係急症座幾粒鐘既

點知登記完就去分流

一分流就入去了..完來大肚婆出血係咁緊急個喎...

醫生檢查完後,一切正常

寫左5日假比我,都係要休息個啲囉....

就係咁..又做左癈人5日

日日食,瞓,睇下電視咁囉

其實真係手好痕想去搓包

不過真係明白乜野叫有心無力

而家連煮碗麵都覺得辛苦呀

仲有一件事好擔心..係我分花紅...

我地公司每年既年三十個日會派花紅

係出支票形式,有一個月糧咁多架..

但年三十個日我要做產檢,所以請左假

過年後返尼,老細又未返

到2/3,老細返喇..我又請5日假

真係好擔心份花紅凍過水

老細會唔會因為我咁樣請假而收返張票呢 >_<

唉~~~~~