15 NOV, 2013

好喇 ! 唔寫遊行卜住喇 ! 我有好多卜出呀 ! 其實小溫太我經常煮飯, 不過就無時間出卜, 哈哈 ! 有時過左, 就食譜都唔記得 ! 所以要快手少少喇 ! 當然唔少得成日都出街食啦~ 哈哈哈 ! 有時又陪下屋企人, 陪下老公, 陪下朋友 ! 真係好BUSY~~~

我要介紹間好野俾大家先 ! 話說我妹妹之前成日係灣仔行來行去, 發現呢度有間正野, 一邊係賣衫既, 而另一邊係酒吧黎既, 我妹同D同學之前黎過食, 覺得氣氛好食物都好正 ! 就CALL埋我同埋佢姐夫黎試下 ! 話哂HAPPY FRIDAY, AFTER 5:00PM就BUY 1 GET 1 , 好抵呀 !!! 一於去試下~ 雖然我唔飲酒 , 呢度都有MOCKTAIL~ 雖然唔係好多款啦~ 但味道都好好~ 我仲飲左兩杯唔同既MOCKTAIL~~ 好正呀 ! 而小溫子黎到, 就梗係飲啤酒啦 ! 仲一飲飲4杯添 ! 哈哈哈

係灣仔一個咁繁忙既鬧市, 有D特別既餐廳, 真係令人好開心架姐~~~ 環境都好好 ! 係D BAR檯好難坐, 可能我生得比較短 ! 哈哈哈 !

我地坐低之後, 開始多D老外入黎坐, 都係飲下野, 傾下計 ! 不過呢度好早關門架, 好似9:00PM, 真係HAPPY完返屋企食飯架 !

四圍影下先~ 地方唔算大 ! 不過環境都OK既, 我覺得最靚係個廁所~ 哈哈哈 ! 你地去的話, 記得要去埋廁所呀 !

專心地幫我同妹妹調mocktail中 好期待呀 !

生啤 ! 仲有小溫子既最愛STELLA ARTOIS~

原來有TEA飲架~ 我以為有AFTERNOON TEA SET~~ 原來無既~ 哈哈 ! 不過我D朋友見我放上FB, 已經約定要陪佢地去~ 哈哈

YEAH ! 有得飲喇 !

我既 Classic Mojito , 有D薄荷葉, 青檸, SODA整成既, 酸酸甜甜, 好清新既感覺呀 !

妹妹既Crazy Cuban, 其實係由pineapple juice, 加d soda~ 不過呢杯就淡少少, 係新鮮菠蘿汁既味道 ! 好好飲 ! buy 1 get 1 我試埋呢杯~ 哈哈 !

小溫子放工坐叮叮過黎添~

兩姐妹影下相先~ 哈哈 ! 我無化妝 > < 哈哈 ! 話說我聽日飛北京呀 ! 搵行程搵到好攰~ 係妹妹拉我黎~ 我先放鬆下咋

YEAH ! 等埋小溫子我地就開動喇 ! 呢度既食物都幾大份, 如果自己一個人食一份, 會超飽囉 ! 不過照叫左三份, 我地再SHARE食~ 好開心 !

AHI POKE NAPOLEON 吞拿魚他他 $130 呢個超好味呀 ! 其實我唔係好係吞拿魚, 不過變左他他, 個味道又ok, 最底係d牛油果呀, 我好鍾意食牛油果, 成個味道好甲 ! 配上脆多士, 好美味 !

最後一塊, 貪心的小溫子 !!!!

佢真係放哂入口 ! E~~~~~

PORK QUESADILLA, 羊奶醬配豬肉餡餅 $115 , 上檯時熱辣辣, 好好味 ! 餅仲係脆脆既, D餡肉份量岩岩好, 上面有D羊奶醬, 又唔會好'SO', 都OK啵~ 仲有牛油果配埋~ 正 !

LOBSTER GRILLED CHEESE 龍蝦三色芝士包 $155, 龍蝦, 我真係忍唔住食左少少, 好豪氣, 真係好多龍蝦肉, 好正 ! 個包岩岩整好, 脆脆地, 不過要快D食, 放耐左個包有D硬硬地~

妹妹最推介食呢個龍蝦, 真係堅正呀 ! 我都食左少少~ 哈哈哈 ! 下次帶朋友再黎食先~

星期五下放空的倆夫妻 ~ 實在是太爽YY喇 ~

最後甜品作結 雪芭好味 ! 馬交龍一般般~

同妹妹乾馬交龍 ! 因為多謝佢做老細 ! 哈哈哈哈

The Marlin Bar at Tommy Bahama

地址 : 灣仔莊士敦道60號 J Senses1G號舖