「荔園」肯定是近期最高密度的集體回憶題目之一, 兩個月內, 同一內容我也寫兩次, 「荔園」你真的考起仁!!

因為復活節, 始創商場舉辦「荔園」懷舊展, 今次吸引我再寫一次「荔園」, 因為收藏家鍾燕齊先生, 借出當年的「荔園」珍品, 「睇舊嘢」最合我心意.

話說兩個月前, 我第一次寫「荔園」, 是因為佐敦恒豐後的「荔苑」餐廳, 當日我排隊等食等足90分鐘才有位, 傳媒指老闆全盛時期一日賺20萬.

3月中邱德根先生逝世, 餐廳可能更多人去懷緬, 但我最希望他們的食物質素可以先改善一下, 因為「運」未必可以長期行得到的.

記得有報導指, 當年邱老闆指, 大象「天奴」, 「掟香口膠」, 及「鬼屋」是「荔園」三寶, 不過原來「天奴」是非常可鄰的寶寶.

我記得當年天奴一帶臭氣薰天, 對牠一點興趣也沒有, 原來傳聞天奴4歲被送到荔園後, 園內一直沒人餵治, 天奴的食物, 全部就靠遊客付費買蕉, 買草給牠維生.

天奴生活只在一個僅能轉圈的活動空間內, 31年來全程被粗粗的腳鍊鎖住, 後來缺乏照顧, 急性肺炎死亡, 當年我覺得臭, 正正就是沒有人幫他清潔的原故.(好慘...我當年還嫌疑棄牠, 諗返都覺得自己衰) 

掟5毫子贏香口膠, 你有沒有印象掟了多少個毫子才獲一排香口膠? 我只記得每條香口膠與鍚紙也是黏在一起, 溶溶地!? 

有理由相信白箭應該是過期的, 否則5毫掟一次, 又何來可以成為園內每日最高收入的攤位呢? (人都癲...80年代掟香口膠收入一日賺一萬呀!~早知我開檔啦, 咁好賺)

兩個月前在餐廳, 有一個像真度極高的恐龍屋怪獸, 阿囝不知幾驚, 不過, 今次場內一樣有, 但就是Q版, SY:「吓？ E隻係上次嗰隻咩? 都唔似...佢咁得意」

原來小朋友在學校有看過老夫子, 所以他問我為何這裡叫Q夫子...我也給他問得啞口無言.

囝:「老夫子同E個肥肥地嘅叫咩名, (大番薯), 成日都唔知咩尋味吖麻...」(係喎...穿梭50年的耐人尋味, 估唔到囝都尋味到喎...哈哈…)

不看鍾先生的收藏也不記得, 碰碰車當年有分「大碰車」與「小碰車」之分

...現在回想, 當年我好似未夠高玩大碰車, 極渴望可以好似哥哥姐姐撞得夠刺激.

不過, 當年的小仁一早已經變成老仁, 今時今日我反而想重返荔園時, 有人唔準我玩大碰車, 返老頑童, 時光倒流, 天荒夜談…今晚發發夢應該可以.