好熱鬧的D2...自從上次發現了D2的隱世天台後, 經常都來Hea, 得知本周末(4-5號), 連續兩日2樓都變身復活節卡通王國, 所以趁兒童節一定要帶囝來玩.

未踏入2樓的 Vitality Market, 三隻真人卡通人物便已經列隊歡迎, 阿囝很興奮:「Tsum Tsum隻Chip & Dale呀!! 好滑呀...好靚呀」

公仔煞手不停向松鼠摸摸摸, 希望松鼠入面的不是女性就好了. (很尷尬)

其實, 我在Yahoo!Style看過松鼠的連載漫畫, (事關勁自戀的我曾常在Yahoo!Style找自己文章), 所以我告訴SY:「佢都係松鼠, 不過佢叫Squly, 同迪士尼嗰隻唔同架...」

阿囝望了又望, 點點頭:「係喎...我以為係Tsum Tsum麻, 總知就好得意啦」又繼續摸到我拉他離開, 仍不肯停手...真不好意思.

科學家Squly已經兩歲, 一系列好多顏色的產品齊齊整整好靚, 一大班朋友, 企鵝, 獅子. 阿囝不停話:「Squly好想要…」.

我向工作人員查詢原作者在嗎? 她回答說:「Claudy病咗, 所以今日嚟唔到呀!」(哎呀!今日無緣親自向作者請教添)

Squly & Friends 

https://www.facebook.com/squly

之後, 我們走到隔離, 嘩!貓奴的日常呀...估不到今日作者阿Cat直情盛裝出席, 我每星期有追「柑柑」漫畫呀, 超攪笑...(因為「柑柑」一樣係Yahoo!Style有得睇)

原來柑柑漫畫角色一樣兩歲, 不過阿Cat養的真「柑柑」只有歲半:「因為朋友知我開始畫柑柑, 咁啱佢隻貓又生咗BB, 佢同柑柑一樣黃色, 所以就送咗比我.」

難得機會, 當然要跟輝師傅及Cat來一個合照啦, (不過, 點解Cat唔畀一件貓斗篷輝師傅著呢? 襯埋一套麻)

漫畫中柑柑有一隻白色貓仔小藍做朋友, 今日就由輝師傅教SY畫柑柑&小藍環保袋. (吓!但係佢無乜畫畫天份喎...)輝師傅:「無問題, 我會教到佢識」(嘩!希望阿囝唔會太失禮啦)

首先輝師傅用沿筆起了草稿, 之後就由SY填上深色線. (哦!照住畫的話, 應該難唔到阿囝)

之後就上色, 其實, 同時又有一位妹妹學畫小白, 不過, 小妹妹畫得超快, 兩三吓手勢己經完成, 神童一樣超勁!!

之後輝師傅再不停教阿囝塗色…足足畫足60分鐘才大功告成…辛苦晒輝師傅…(留意袋的左下角三粒石頭, 係米好神似呢??其實係應節復活蛋嚟架)

Amazing Cats

https://www.facebook.com/cat.comics

至於阿囝畫畫期間, 大仁在做甚麼呢?

有小妹妹跳Hip-hop, 我與她們的家長齊齊欣賞, 情況似十足當年, 我去看SY表演一樣, 鏡頭全程只跟足阿囝, 嘴角永遠向上, 笑到連眼到無合過半秒...哈!原來這是全球家長必經階段喎...

另外, 又有女魔術師表演「紙袋變走香賓樽」, Yeah!近距離竟然給我看穿了箇中玄機..., 因為我晚晚「至尊街頭魔法王」都拆不穿Louis, 今日破解小迷團, 好嘢!!超滿足!!

Ps: Squly成為了兒童節阿囝的新朋友, 點名一定要陪伴在囝旁, 不知今次Squly又可以被寵幸多少晚呢?