17/4/15 (晴)

今日懶豬又約了舊同事食 lunch 聚聚舊

由於e位舊同事係佐敦自立門戶，所以順行理成章一行三人去咗佐敦食lunch

中午時份，係個咁旺既地區食飯都幾多人架

所以我地拉大隊去咗柯士甸道翻叮 e 間 "城中小閣"

點解翻叮.................哈哈 !

味道好，環境舒服，服務好......好簡單因為味道夠 nature   

 

 

五素炒飯

食炒飯最怕一口油， e 個炒飯味道剛剛好又唔肥，而佢既米飯真係一粒粒架

每次嚟d 姐姐都會有是日推介，今日推介係 轆鴨

懶豬真係唔知咩叫轆鴨，原來轆鴨係咁既，仲以為有轆竹咁既款 tim

 

 

次次嚟都見好多人會食e個生煎包，今次我地又點番幾個試下先

沒有油憶味，重點係皮薄唔太厚, 味道鮮，一口咬落去d 湯會仲即刻漏晒出嚟

woh ! 好正 ! 同平時上海舖食既一口油生煎包好唔同

懶豬覺得佢應該改名叫生煎小籠包貼切 d 囉!

 

豉油皇炒腸粉

哈哈!　其實睇個樣看似很普通，但唔知點解炒得味道剛剛好，裡裡外外味道都係一樣

唔似有ｄ酒樓既腸粉，外面重口味裡面淡如水

最後嚟個飯後甜品: 馬碲糕

唔太甜，唔太漏，唔會太削，軟硬味道都好適中

懶豬覺得e 間粵菜真係唔錯，口味好啱我 ! 唔太濃，唔太肥

雖然樣樣菜都係好普通好簡單，但味道真係處理得很好

食過幾次既味道都唔會有参差，這是我欣賞佢既地方

你睇吓環境唔太逼，談心都好舒服架

仲有佢個叉燒好鬼正架! 有機會去試下啦 !