海洋公園一天遊
|
|
小肥豬
2015-04-26
1488
2
|
12 APRIL 2015(SUN) 話說一知道海洋公園有得睇樹熊時,我都已經勁想去睇。一係唔去,今日就同埋大肥豬屋企人一齊去,我地一行十二人去玩一轉啦(不過因為親友們唔太方便出鏡,所以今個POST都係只見我地三口子呀)~
其實大家都係為左樹熊而來,所以我地第一個目的地就一定係去搵樹熊啦~
今日真係有啲奇怪,因為整個海洋公園都唔算多人,我地排左大約20分鐘就可以入場啦~
準備去見樹熊啦~
一入到場就當然去搵樹熊,搵左一陣終於俾我地發現兩隻賴洋洋可愛嘅樹熊啦~
雖然都係影得唔清,不過都總算同樹熊合照啦~
除左樹熊仲有笑翠鳥,不過佢真係郁都唔郁金唔係在場職員介紹,我都以為係假呀~
當然唔少得袋鼠,不過佢地都係賴洋洋唔願郁,又唔跳跳跳,同睇電嗰啲好唔同呀~
睇完樹熊我地就去搭覽車去另一邊,因為一眾後生要玩刺激機動遊戲呀~
小小豬嘅表哥表姊們就去玩機動遊戲,我地就周圍行下SHOP攪攪陣影下相啦~
之後仲去玩攤位遊戲添~
小小豬好叻仔,撞手神地中左個中獎呀~
不過都唔夠小小豬大伯利害,佢玩拋磚頭遊戲中左個珍寶獎呀~ 玩左一輪攤位遊戲之後,一眾表哥就繼續去玩機動遊戲。我地就同埋老爺奶奶等人一齊落返去另一邊,因為小小豬已經急不及待話要去兒童王國玩啦!
行過見到公仔唔洗排隊,當然唔放過集郵機會啦~
終於嚟到小小豬至愛地方,一嚟到就當然玩小火車啦~
之後就去玩BB機動遊戲,我仲記得對上一次嚟嘅時候小小豬點都唔肯入去玩,仲喊晒添。不過今次真係180度轉變,極度心急咁等上車,玩完一次都仲未夠,要玩多次呀~ 之後又去玩青蛀跳跳跳,原本小小豬係叫我陪佢上去玩,點知一見到表姊嚟到時,話表姊陪就得啦,真係......。不過咁都好,成日痂住我地都唔係一件好事,等佢同多啲人玩咪仲好。
睇下隻貪玩豬玩得幾開心,一啲都唔覺佢驚呀~
我地仲一齊玩摩天輪~
最後就由一眾表哥表姊陪小小豬去玩,好在有佢地在場,我見精力非常旺盛嘅小小豬左走右走,表哥表姊們就分批跟住佢,真係辛苦晒佢地呀~
之後就再去一齊玩攤位遊戲~
表哥好利害,中左個珍寶獎呀~
臨走時小小豬又玩一轉渣車仔遊戲~ 由於第二日各位小朋友都要返學,所以我地玩到五點幾就走啦!其實今日整體上都玩得好開心,園內都唔係太多人,真係好少見到咁舒服嘅海洋公園呀! 希望下幾次嚟都可以好似今日咁舒服啦!
MY E-MAIL~
|
商店 | 海洋公園 |