|
將軍澳體育館 兒童遊戲室(附體育館環境)
|
|
SiuB_Fan
2015-05-02
4223
3
|
分享
收藏
| 夏天又來啦，除左戶外活動，上山下海之外，冷氣地方應該係你同小朋友其中一個歡聚既地方。咁啱係將軍澳，這個小朋友極多的地區，有一個新的遊戲室開放，所以我地立即同大家直擊報導一下佢既情況。 當然啦，體育館係剛開放的，所以當中仍有一些設施係未開放，或係未完成的。不過呢，作為一個家長，最重要的兒童遊戲室完成，就已經吸引到我去了！ 調景嶺體育館的外貌，四月二十三日開放，新鮮熱辣。 
睇一睇開放時間先。 
開放時間無乜特別，其實同一般遊戲室差不多，頭尾兩節的時間多一點。有興趣又住得近的朋友仔可以留意一下。不過呢，呢張時間表只係顯示出佢定了的時間，實際運作上，係有另一個時間表要睇的。亦係我去過既政府遊戲室中較特別。 
以我今天為例，我們09:45AM去到。嘩！可能因為係假日既原因，已經大排長龍。而職員同我地講，依家排隊的，係攞11:35AM那一輪籌的，而最終入場時間係12:30PM。你可以咁理解，如果你有整個早上的時間，又或者你係附近有事情做，你就可以先排一個半小時攞籌，再係一小時之後返來同你的小朋友玩了。我唔明白點解要咁做，好似其他遊戲室咁，排隊先到先得咪好囉。 不過，我亦問左職員，如果籌派唔晒，又或者有人無出現，你係可以候補的。 
好啦。係時候睇下設施，不過先道個歉，因為剛才提到既原因，所以我地係無入到去玩的。不過有主場之利的我們，會係下星期光臨一次，為大家補返一些清晰點的相片。現在先看看我在窗外拍攝的相吧。遊戲室的主題應該同坑口的比較似，係海底世界之類。 
不過如果你覺得這兒玩唔夠，其實體育館仍有不同的設施可以俾大家玩既。例如戶外有一組金屬的滑梯，更有不同的健身設施。 
小朋友，其實你俾空地佢跑，佢已經好滿足了。不過呢，這個位於體育館二樓戶外的係仍未開放的，對，係仍未開放的。預計完工日期係1.6.2015，大家可以再等一下。 
特別附錄，調景嶺體育館設施。 既然這兒今天一場到來，等我們帶大家參觀一下這個新的體育館吧。其實一點也不大，總共的設施只有，8個標準羽毛球場(2個籃球場、或者排球場)，一兩間活動室連乒乓球枱，一條大約200米的室內緩跑徑，一個未開放的健身室，最特別的是一個有3-4線的戶外攀石牆。沒有了，就是這樣。 
受傷係阻礙唔到小朋友充滿活力的細胞。 
雖然很多設施仍未開放，不過已經完成的就投入服務，未完成的繼續施工，總好過等全部完成才開放吧。言一點我是欣賞康文署的決定的。我們就等一等吧。 場館介紹： 康樂及文化事務署 調景嶺體育館 (對不起，太新了，政府網頁仍未有介紹) 康文署新聞稿「調景嶺體育館四月二十三日啟用」 場館地址：將軍澳翠嶺路二號 查詢電話：2481 5033 交通資訊： 如果你係自駕的話，可以泊入體育館。不然附近彩明苑有時租。 公共交通呢，你可以乘港鐵係調景嶺站A出口步行過來，慢慢行大概五分鐘吧！相當之近的距離。
感謝 SiuB_Fan 提供以上資料 SiuB_Fan的網誌: http://siutimfamily.blogspot.hk/
|
~END~
| 商店 | 香港單車館 (兒童遊戲室) |