19/04 朋友真的陪我入赤柱好開心呀 !

當日天色雖然比較灰暗都驚會落雨心想要不要取消行程呢 ?

但見朋友又沒有出聲所以就繼續赤柱之旅 ^^

落車第一站我要去 " 泗益 " 食早餐

好多謝朋友一早搵定位置但點.....點.....點解咁嘅 ?

開頭路過都睇唔到就搵人問啦 !

研究完一輪得到的答覆 : 可能執咗

我同朋友講無可能 Openrice 都無寫已結業 ,

怎料再行返轉頭就俾朋友發現到喇 !  ( 叻叻 ^^ )

終於在一堆鐵皮屋的小巷中找到了 " 泗益 "

可能當日尚早所以門外又沒有人龍差少少就走漏了眼 ^^

飲品我哋要咗奶茶同檸檬茶

一坐下來就聽到隔離枱話哩度嘅奶茶好飲 ,

咁我緊係飲奶茶啦 ! 

我要咗少甜又真係幾有茶檔 feel 好飲  ( 好彩要咗少甜甜度剛剛好 ^^ )

朋友話檸檬茶有啲嘢 , 原來檸檬已預先篤好俾客人  ( 朋友讚好飲 )

" 熱狗 "

麵包烘得超脆口加埋香腸同沙律醬嘅絕配真係好 " 正 " 呀 !

朋友話因為係隔夜麵包先做到呢個咁脆口嘅效果  ( 好食就得啦 ! ^^ )

招牌 " 咖央西多士 "

當叫哩個西多時茶檔姐姐話要等三十分鐘 ,

朋友即時望住我問我等唔等 ?

" 等 " 當然要等來泗益的主要目的就是要品嚐佢嘅咖央西多士 ;

在等候時朋友同我講有個男人係度打緊蛋白 ,

我講笑 : 關唔關我哋事呢 ?  ( 因為除此之外我都諗唔到有咩用途 )

及後回家上網搵才知原來真係同我哋份西多有關 ,

之前頭條日報曾經介紹過店家會將蛋白和蛋黃分開打拌再混合 ,

咦 ! 好似我整海綿蛋糕嘅做法喎 ! ^^

唔講唔知原來咖央醬都是店家自製的

嘩 ! 西多士入口嘅鬆軟度就好似吃棉花糖一樣 ,

雖然件西多的咖央醬只是薄薄的一層 ,

而且仲有少少油漏出但好食就是好食 ,

同朋友分吃完整件西多士時真係好有沖動再 encore ,

可惜朋友話 no la !  ( 咁唯有等下次啦 ! ^^ )

好食飽飽就開始逛赤柱市場喇 ! 

Ha............竟然有店舖的姐姐當我是外國遊客添 !

真係好耐無行過啲小店連自己都好似遊客咁咩都想買 ^^

逛完街繼續沿路走就是海濱長廊好靚好舒服呀 !

朋友原來早有預備咁靚嘅野餐擺件又點可以唔影相呢 ?  ( 好野餐 feel 呀 ! ^^ )

朋友的小可愛真識嘆背着海景由然自得咁係度野餐

影過對岸就是 "赤柱卜公碼頭 " 同 " 美利樓 " 了

黃色那間餐廳是 " The Boathouse "

我比較鐘意之前嘅藍色可能是顏色吸引我的緣故好想試哩間餐廳 ,

但當日中午我哋又不是太肚餓所以就揀了另外一間餐廳

" 美利樓 "

小可愛都忍唔住要在 "美利樓" 前留倩影 ^^

" Kronenbourg 1664 "

當日的天氣都有點熱架 !

所以我哋叫了兩杯大啤酒來解渴 ,

一於學人望住個海嘆下冰涼嘅法國啤酒先 "爽" 呀 !

初嚐法國啤酒我之前聽過這個牌子的其中一款酒是有花香味的 ,

但這餐廳只有果味同原味咁我哋各要一款試下有咩分別 ,

果味雖然易入口但無咩麥味 , 所以啤酒味都變得比較淡口

始終都是原味的好 ^^

" 新加坡炒米 "

" 美式漢堡 "

突然好想食漢堡可惜佢浪費了我嘅破戒同 quota T-T 

我的小小戰利品