以前因工作關係經常入西貢近年已沒踏足此地~這間滿泰嘅雞粉係我最愛的西貢美食今日一定要重溫~ 
店子一點也沒變唯獨價位就升了頗多~
泰式雞鴨粉$45一如以往湯底味香濃不過那件美味籮蔔也消失得無影無蹤,還有那雞醬亦不及往時香辣美味好失望~
泰式飲品中青檸梳打$26係我最愛呢杯合格啦 
車爸爸還想食車仔麵便揀個小食炸春卷$68點知呢個春卷吃滯了他肚子~
因為春卷餡全是芋頭吃罷那會肚餓吖~ 
食飽飽行出海傍聞下海水味~ 
愛吃魷魚絲的我倆即買3包過口癮~ 
呢D特色嘅海鮮艇好多海鮮賣奄仔蟹$100/5隻好平好抵如果唔係要去睇戲真係留底食埋晚飯呀~ 


行到香港火山探知館入去八下先~



到此一遊打個印記先~

到此一遊hehe~
呢間home made jam 好似唔錯下次要去試試
西貢市原來有好幾檔果汁店盛行賣紅石榴汁行到一身汗買支試下先~
呢支大嘅$30店員強調無添加喝下又真係香甜不假真材實料噃~
車爸爸都好喜歡飲呢~ 
睇Blog友EE Chan時也見到這店的貴價紅石榴最貴賣$120個~
伯伯埋頭苦幹打造鐵皮製品有信箱,麻雀箱,化寶盤和小錢箱這些東西真係我成長的見証~

3:00pm多遊完西貢要出旺角換定戲票(多謝張家輝呀haha)之後行咗去御前上茶吃甜品唉又冇聽書店員話開19:00pm唯有另覓甜品啦,行返去銀城廣場見到間叫九里香的台灣食品店有我想吃的洪瑞珍三明治還要有緣到剛巧係送貨日和時間(逢星期二,六15:45pm到貨)最重要係未有人排隊即時買件草莓芝士$15~

麵包食落頗鬆軟草莓果醬亦鮮甜估不到配搭芝士也那樣匹配~最估不到係車爸爸也頗為讚賞那草莓果醬呢!!
我買完後已見長長人龍了~
時間尚早見到水牌有捐血店便拉車爸爸一同獻出第一次~捐血~篤手指都有D痛架但絕不後退
我倆都係第一次捐血姑娘話捐350先啦


第一包血~希望您幫到有需要嘅人啦
捐血後有茶點供應仲有我喜歡的雀檸飲呀~

捐血後剛好夠鐘入場~

一出戲院亮就見奇壹獄壹世界嘅宣傳車聽聞車入面嘅人車挑戰百多小時嘅監獄式生活完成後有一筆可觀獎金呢!!

晚餐就去返上次食唔到的大隻佬 


辣牛筋麵$30牛筋未算出衆加添麻辣味道確可加分麵質爽口不韌我喜歡
招牌豉油王炸醬撈河粉$44炸醬偏甜不過襯上豉油王河粉就有D新口味衝擊也不錯吖我返而喜歡那碗湯清清香的好喝呀~
郊外油菜$16芥蘭淥得未夠淋,整體而言岀品不差但這價錢嚟講偏太精緻囉
都知車爸爸未夠飽的請他到HeSheEat吃甜品啦(其實自己想吃多D啦)
講真CWB分店坐得較舒適不過此時樓下人不多也算不錯
樓上還有坐位的去洗手間時見已坐滿人客,等待甜品時連樓下的位也給客人填得滿滿了
夏日鮮菓窩夫$52窩夫外脆內軟比咖啡弄好吃得多鮮菓亦超甜美唯獨那吉士雲尼拿汁非我所好還是配楓糖漿吃較為美妙~
香橙朱古力酒心梳乎厘$59酒味好足配上黑朱古力同吃真係好梳乎呢!還有一球D牌雪糕球冷熱交融好不浪漫噢!!