老師大力推介這間甜品，不但造型精緻，而且非常好味的甜品小店，真係聽到我流晒口水，立即約好姊妹來試。

來試甜品，最好避甜品時間，因為店頭小小，座位不多（小店最好，最能保持水準）。我們當然要晒佢兩個招牌甜品，吉列豬扒和鐵板牛扒。

吉列豬扒（炸溫呢嗱雪糕）
吉列豬扒好實淨，上枱時沒有溶化。外層炸得好剛剛好，金黃色沒有出油好乾身，倒上士多啤梨汁好靚，好清新。吉列豬食起來口感跟真的差不多，雪糕溫呢嗱味好濃，雖然這樣食起上來怪怪的，但勝在夠精緻。值得一提士多啤梨醬，好新鮮又唔太甜，保留到原味。

鐵板牛扒（朱古力士多啤梨咪雪糕）

這個材料豐富，除了牛扒外，還有朱古力多士和香蕉條。口感方面普通，如果外層有層脆皮朱古力更正。