.。₀:✿ 元朗小文華 ♥ 不再吃頹飯 ♥ 聚 Cafe ✿:₀。
|
|
Kawai
2015-06-09
467
0
|
分享
收藏
之前同大家講過我在元朗的奇遇,就是發現了在涼粉旁,有一條小小的東方文華街, 兩間舖都同是由前東方文華的主廚主理,一間是甜品,一間是主菜的, 這個星期日又遲了起身,正好又是原因入去搵食了!! 我瞓到自然醒已經係十一點幾,去到已經近一點,既然有Set Lunch 咁就試下啦! 之前在同區食了另一間意式Fine Dinning 店,覺得好食又抵食, 介紹俾朋友,朋友中午去到竟然是食頹飯,那次真係鬧到我痴線!! 好啦!呢度Lunch 定價 $52, 包餐湯同飲品,如果是學生仲有優惠價$40, 價面上,我覺得好抵食,不過都要試下咩料的先可以再作評論!! 店面不大,大概可以坐 20人左右, 今日的餐湯是南瓜濃湯,以小小的Cafe來說,是比較特別的選擇,通常都是紅白湯就算, 我真係好不喜歡南瓜,又不喜忌廉湯的奶油味,真的大鑊了! 飲了一口,味道屬於自然甜度,質感比較薄身,奶味相對不重,較清淡的口味吧! 主菜6選1,我選了焗葡國雞飯 一上台已經聞到濃濃的椰香,因為面層灑了一層椰絲,把香氣引發了出來, 葡汁口味偏甜不多,但足夠拌飯吃,雞件是厚身正方形,肉汁鮮而嫩, 簡直算是Fine Dining 的午餐版本,吃得得高興就是~白飯份量略多,我也吃不完喔!! 店員見我吃不完,也有問我是不是不好吃,可見店方是很重視客人的意見,及主動交流~ 朋友就點了手打牛肉鵝肝漢堡,記憶上是剛剛百元吧! 入面有鵝肝,手打牛肉, 芝士, 生菜得,份量都挺大的, 以我吃過多間手造漢堡來說,算是中Size,女生也可以輕易KO一客 朋友分了少許給我試試看,麵包皮很鬆軟少脆不乾,質感剛好,帶點微溫~ 手打牛肉就是我最喜歡的,一直食都沒有零碎的牛肉片掉下, (之前食過另一間,大的確夠大,但邊吃邊掉汁搞到一身都是,輪盡感盡現) 唯一要挑剔的是,粗身薯條都是比較幼身那種,口感有點乾就是.... 百零蚊我覺得誠意非常可加!! 抵食Lunch Menu 如下, 呢個時世,又餐湯又飲品($5 仲可升級 mocha/latte/cappuccino), $52 蚊,真心覺得性價比極高呀!!推介! 食飽仲可以行去隔離食甜品!兩間都係由前文華師傅主理的!! 聚Cafe 元朗裕榮徑11號好旺洋樓地下9號舖 For Collaboration and Invitation, Please send to : littlecatt@gmail.com FB Page: Kawai / Small Talk Corner Blogspot。TheZtyle。Beautylife。FanPiece。 BECB@Beautyexchange。Openrice。 She.com。U lifestyle。Weshare
感謝 Kawai 提供以上資料 Kawai的網誌: http://iamkawai.blogspot.hk/
|
~END~
商店 | 聚Cafe Gettogether Cafe |