約了GOGO去行街食飯,想食韓國菜,但又唔想食韓燒,想起了炸雞,便去了 Red Chicken,之前成日排長龍呀,預要等,點知去到即有位,可能因二人易有位或熱潮減退了。

環境是型格的設計,啡磚牆身,霓虹燈光,有點酒吧的感覺,播放著韓國MV,不禁狂看了電視。

MENU,見到有期間限定,個價仲要係平點。

好多口味選擇。

餐前小食。

海特,$35 & 桃飲料,$33,我要了海特,啤酒送炸雞,爽呀。

香辣汁炸雞,$173,份量好多,兩個女仔必食唔晒,好大件炸雞,外皮脆,但厚左點,香辣汁酸酸甜甜,少少辣,開胃又惹味呀。

咖喱忌廉雞配芝味薯條,$108,是期間限定來的,價格比較平,份量都比較少.炸雞一樣咁大件,個醬有點似出前一丁的咖喱粉味,少少忌廉味,甜甜地,味道一般呀。

芝味薯條,加上了芝士粉的粗身薯條,味道不俗。

因二人食之下好飽同好漏,最後打包,味道的確不俗,如果成班人食更好呀。

尖沙咀金巴利道65-67B號太平洋大廈UG層B舖